ខ្សែបម្រើប្រយុទ្ធ Kevin De Bruyne បានទម្លាយឲ្យដឹងថា អ្នកចាត់ការរបស់ Manchester City លោក Pep Guardiola ពេលខ្លះភ្លេចចុចឈ្មោះកីឡាករ១១ ដែលត្រូវលេង អំឡុងពេលការពិភាក្សាត្រៀមប្រកួត។
និយយាក្នុងកម្មវិធីមួយ De Bruyne បានលើកឡើងថា៖ “ពួកយើងតែងតែមាន ការប្រជុំមួយមុនពេលប្រកួត ហើយលោក Guardiola នឹងប្រាប់ថា ពួកយើងនឹងត្រូវធ្វើបែបនេះ បែបនោះ។ ចុងក្រោយនិយាយ Let’s go!។ បន្ទាប់មកពួកយើងបានប្រាប់ថា ហេ! Pep តើនរណាខ្លះនឹងត្រូវលេង? ជារឿយៗគាត់ភ្លេច”។
កីឡាករសញ្ជាតិប៊ែលហ្ស៊ិក បានបញ្ជាក់ទៀតថា Pep ចូលចិត្តលេងប្រយុទ្ធណាស់។ Pep ធ្លាប់ឈ្នះពាន Premier League ៣ដង សម្រាប់រយៈពេល៥រដូវកាល ចាប់តាំងពីមកដឹកនាំនៅ Etihad ក្នុងឆ្នាំ២០១៦។ សម្រាប់ De Bruyne វិញចាប់ផ្ដើមរដូវកាល២០២១-២២ ហាក់បង្ហាញទម្រង់លេង មិនទាន់បានល្អឡើយ ដោយរកបាន៣គ្រាប់និង Assist ១គ្រាប់ ក្នុងចំណោម១៤ប្រកួត៕ Source: Sabay
