កីឡាករណាមួយ ដែលលេងឲ្យក្រុមជម្រើសជាតិចិន គឺមិនអនុញ្ញាតឲ្យចាក់សាក់ឡើយ។ នេះបើយោងតាមការចុះផ្សាយរបស់ BBC នៅក្នុងថ្ងៃនេះ។
កីឡាករកំពុងលេងឲ្យក្រុមជម្រើសជាតិខាងលើនេះ ហើយមានកំពុងមានស្នាមសាក់ ត្រូវបាន រដ្ឋបាលទូទៅនៃកីឡាប្រទេសមួយនេះណែនាំឲ្យ លុបសាក់នោះចេញ។ បើនៅក្នុងករណីពិសេស ស្នាមសាក់ទាំងនោះ ត្រូវតែបិទបាំងឲ្យជិត ទាំងក្នុងពេលហ្វឹកហាត់ ការប្រកួត ទៅតាមការឯកភាពរបស់ក្រុមខ្លួន។
ចំពោះការរើសកីឡាករថ្មី ចូលក្រុមជម្រើសជាតិ ក៏ដូចជាក្រុមយុវជនវិញ គឺមិនរើសកីឡាករណា ដែលមានសាក់ដាច់ខាត។
ការហាមឃាត់ ក៏ដូចជាការបណ្ដឹង មិនឲ្យមានស្នាមសាក់នេះ គឺចង់ឲ្យកីឡាករធ្វើជាគំរូល្អដល់សង្គមជាតិ។
បើយោងតាម BBC នេះ ស្នាមសាក់នេះនៅសង្គមចិន កាលពីអតីតកាល ត្រូវបានគេមើលងាយ ខ្លាចរអា ព្រោះតែគេសាក់ដើម្បីសម្គាល់អ្នកទោស។ មួយវិញទៀត ស្នាមសាក់នេះគឺនៅមានជាប់ទាក់ទង នឹងក្រុមឧក្រិដ្ឋជននៅតំបន់អាស៊ីខាងកើតផងដែរ៕ Source: Sabay
