ក្លឹបតោខៀវ Chelsea បានកក់កៅអីវគ្គផ្ដាច់ព្រ័ត្រ ពានរង្វាន់ League Cup ហើយ ក្រោយបន្តយកឈ្នះនៅជើងទីពីរ លើ Spurs ១-០ កាលពីយប់មិញ។
គ្រាប់បាល់របស់ Chelsea តែមួយគ្រាប់គត់នៅកីឡដ្ឋាន Tottenham Hotspur Stadium ធ្វើបានដោយខ្សែការពារ Antonio Ruediger នាទី១៨។ កាលពីជើងទីមួយក្នុងកីឡដ្ឋាន Stamford Bridge ក្រុមតោខៀវបានឈ្នះ ២-០។ ដូច្នេះសរុបទាំងពីរជើង Chelsea ឈ្នះ Spurs ៣-០។
លទ្ធផលនេះបានជួយឲ្យ Chelsea ឡើងទៅកាន់វគ្គផ្ដាច់ព្រ័ត្រពាន League Cup ដោយអង្គុយរងចាំ ការប្រកួតរវាង Arsenal និង Liverpool ដើម្បីរកមួយក្រុមទៅជួបពួកគេ។ ជំនួបរវាង Arsenal និង Liverpool មិនទាន់បានលេងមួយជើង នៅឡើយទេ ដោយសារការប្រកួតត្រូវពន្យារពេល ព្រោះតែការរាតត្បាតជំងឺកូវីដ-១៩៕ Source: Sabay
