នៅសប្តាហ៍នេះ ក្រោយមានការអាក់អន់ចិត្តគ្នាជាច្រើន រវាងគ្រូបង្វឹកលោក Ralf Rangnick ជាមួយនឹងកីឡាករ Cristiano Ronaldo រួចមកគ្រូបង្វឹករូបនេះ បែរជាបានចេញមកធ្វើការថ្លែងអំពីការគាំទ្រ របស់លោកដើម្បីឲ្យកីឡាករ CR7 រូបនេះក្លាយជាគ្រូបង្វឹកនាពេលអនាគត។
បញ្ហារវាងគ្នាបានកើនឡើងកំដៅ ជាពិសេសការប្រកួតចុងក្រោយមួយ ប៉ះនឹងក្រុម Brentford នៅពេលដែលគ្រូបង្វឹកលោក Rangnick បានសម្រេចចិត្តប្តូរកីឡាករប៉ទុយហ្គាល់រូបនេះ ចេញនៅពាក់កណ្តាលនៃការប្រកួត។
លោក Rangnick មិនបានប្រតិកម្មទៅនឹងការអាក់អន់ចិត្តរបស់ Ronaldo នោះទេប៉ុន្តែបែរជាផ្តល់ការគោរព និងជឿជាក់ថា ថ្ងៃណាមួយកំពូលកីឡាកររូបនេះ នឹងក្លាយទៅជាគ្រូបង្វឹកដ៏អស្ចារ្យម្នាក់ផងដែរ៕ ប្រែសម្រួល៖ស៊ុនលី
