The Football London នៅថ្ងៃនេះបានចេញផ្សាយថា ក្លឹបបិសាចក្រហម Man UTD នឹងនៅតែអាចមានឱកាស ក្នុងការប្រជែងចរចាទិញយកកីឡាករខ្សែប្រយុទ្ធស្លាប Ousmane Demebele ជាមួយនឹងក្លឹបអង់គ្លេស យក្សមួយទៀត។
មកដល់ពេលនេះ គេបានដឹងដែរថាក្លឹបតោខៀវ Chelsea ក៏កំពុងតាមដានស្ថានភាពកុងត្រា របស់កីឡាករ Dembele ជាមួយនឹងក្លឹបយក្សអេស្បាញ Barcelona ដោយក្នុងនោះគេជឿជាក់ថា គ្រូបង្វឹករបស់តោខៀវលោក Thomas Tuchel ដែលធ្លាប់ជាអ្នកដឹកនាំ Dembele ផងដែរកាលពីគ្រានៅ Borussia Dortmund នោះនឹងអាចក្លាយទៅជា អ្នកទាក់ចិត្តកីឡាករបារាំងរូបនេះ។
ទោះបីជាយ៉ាងណាក្តីបិសាចក្រហម Man UTD ក៏នឹងមានបំណងក្នុងការចង់បានកីឡាកររូបនេះ ខ្លាំងជាងផងដែរ ពីព្រោះថាក៏បានត្រៀមប្រាក់កម្រៃដ៏ច្រើនមួយសម្រាប់ Dembele ប្រសិនបើគាត់យល់ព្រមចាកចេញពី Barcelona មក Old Trafford៕ ប្រែសម្រួល៖ស៊ុនលី
