ទំនាក់ទំនងរវាងខ្សែប្រយុទ្ធ Cristiano Ronaldo និងអ្នកចាត់ការបណ្ដោះអាសន្នក្លឹប Manchester United លោក Ralf Rangnick មានភាពល្អក់កករនឹងគ្នា។ នេះបើចុះផ្សាយដោយសារព័ត៌មាន Daily Mail។
បើតាមប្រភពខាងលើ កំពូលខ្សែប្រយុទ្ធ Ronaldo មិនពេញចិត្តនឹងការដឹកនាំរបស់លោក Rangnick នោះទេ ដោយសារតែចាប់តាំងពីលោកមកដឹកនាំ Man Utd បន្ទាប់ពីលោក Ole Solskjaer ស្ថានភាពក្រុមបិសាចក្រហមនេះនៅតែមិនល្អប្រសើរដដែល។
យ៉ាងណាចំពោះលោក Rangnick វិញក៏មិនពេញចិត្តនឹង Ronaldo ផងដែរដោយថាទម្រង់លេង របស់កីឡាករនេះមិនដល់កម្រិតអ្វី ដែលលោកចង់បាន។
នៅខណៈនេះបើតាមសារព័ត៌មានអេស្ប៉ាញ AS កីឡាករមួយចំនួនរបស់ Man Utd មិនគាំទ្រចំពោះការដឹកនាំរបស់លោក Rangick នោះទេ រីឯអ្នកវិភាគ ក៏ដូចជាអ្នកជំនាញបាល់ទាត់មួយចំនួន ក៏បានរិះគន់ការដឹកនាំអ្នកចាត់ការបណ្ដោះអាសន្នរូបនេះផងដែរ។
ក្នុងពេលនេះ Man Utd កំពុងឈរនៅលើចំណាត់ថ្នាក់ទី៥ នៃការប្រកួត PL ដោយមាន ៤០ពិន្ទុ ខណៈ Man City ក្លឹបនាំមុខមានរហូតដល់ ៦៣ពិន្ទុ៕ Source: Sabay
