ការត្រលប់មកលេង នៅកីឡដ្ឋាន Bernabeu នឹងក្លាយជារឿង ពិសេសសម្រាប់ Neymar និងមិត្តរួមក្រុម Lionel Messi។
Real Madrid រាត្រីនេះនឹងត្រូវស្វាគមន៍ ក្រុមអ្នកមានរបស់បារាំង Paris Saint Germain សម្រាប់ជើងទីពីរ ពានរង្វាន់ Champions League ខណៈជើងទីមួយពួកគេចាញ់ ១-០។ Neymar និង Messi ត្រូវបានគេសង្ឃឹម ខ្ពស់អាចបង្ហាញវត្តមាន ក្នុងប្រកួតនេះ ។
មុនការប្រកួតមកដល់ Neymar ក៏បាននិយាយពីអារម្មណ៍ របស់ខ្លួនសម្រាប់ការវិល ត្រលប់មកលេងនៅកីឡដ្ឋាន Bernabeu ម្ដងទៀត។ “វាគឺជាការប្រកួតពិសេសមួយសម្រាប់ខ្ញុំនិង Messi។ ខ្ញុំមានអនុស្សាវរីយ៍ច្រើន។ ខ្ញុំតែងតែលេងនៅទីនេះ រកគ្រាប់បាល់និង Assist”។ សម្ដីរបស់ Neymar ។
កីឡាករសញ្ជាតិប្រេស៊ីល វ័យ៣០ឆ្នាំបានបន្ថែមទៀតថា គេរីករាយជាមួយមហិច្ឆតា ដើម្បីបង្កើតប្រវត្តិសាស្ត្រ និងនាំ PSG ទៅរកអ្វីដែលចង់បាន។ វគ្គផ្ដាច់ព្រ័ត្រ UCL គឺលេងនៅទីក្រុងប៉ារីស ហើយសម្រាប់ PSG តែម្ដង។ PSG បានធ្វើការលើរឿងនេះ ជាយូរមកហើយ ។ នេះជាជំហានមួយទៀតដែលត្រូវធ្វើ ៕
