អាមេរិក ៖ WWE បាននិយាយថា អតីតកីឡាករកីឡាកាស ដ៏ល្បីល្បាញ លោក Scott Hall បានទទួលមរណភាពហើយ បន្ទាប់ពី ទទួលរងនូវ ផលវិបាកពីការវះកាត់ ក្នុងអាយុ ៦៣ឆ្នាំ គឺជាការបាត់បង់ធនធានដូកម្ររបស់WWEយោងតាមការ ចេញផ្សាយពីគេហទំព័រស្គាយញ៉ូវ ។
លោក Hall ជាកីឡាកាសមានរហ័សនាមជា Razor Ramon គឺជាអ្នកចូលរួម២ដងក្នុង Hall of Fame របស់ក្រុមហ៊ុន។ ត្រូវបានគេស្គាល់ថា ជា “Bad Guy” នៃសង្វៀន លោកបានជួយធ្វើបដិវត្តឧស្សាហកម្ម ក្នុងនាមជាសមាជិកស្ថាបនិក នៃក្រុម New World Order ជាមួយនឹង Hulk Hogan និង Kevin Nash ក្នុងទសវត្សរ៍ឆ្នាំ ១៩៩0 ។
លោក Hogan និង Nash ស្ថិតក្នុងចំណោមអ្នក ដែលចូលរួមគោរពជាមួយតារាហូលីវូដ និងជាអតីតអ្នកកីឡាកាស Dwayne “The Rock” Johnson បានពណ៌នា Hall ជា “legend”។ WWE បានប្រកាសពីការស្លាប់ របស់លោក ហើយបានចាក់ផ្សាយវីដេអូស រសើរក្នុងកម្មវិធី Raw ដ៏ល្បីរបស់ខ្លួន ដោយហៅលោកថា ជា “កំពូលតារាដ៏មានឥទ្ធិពល” ។
មិត្តភក្តិយូររបស់លោក និងសមាជិក NWO ម្នាក់ឈ្មោះ Nash បានសរសេរនៅលើប្រព័ន្ធ ផ្សព្វផ្សាយសង្គមថា Hall កំពុងត្រូវបានដកចេញ ពីជំនួយជីវិតបន្ទាប់ពីមានផល វិបាកពីការវះកាត់ប្តូរត្រគាក។ Hall គឺជាផ្នែកមួយនៃបដិវត្តន៍ឆ្នាំ ១៩៩0 នៅពេលលោក និង អ្នកកីឡាកាសល្បី ៗ ផ្សេងទៀតរួមទាំង Hogan បានលោតចេញ ពីសហព័ន្ធកីឡាកាស ពិភពលោក ឥឡូវនេះ World Wrestling Entertainment (WWE) – ទៅ Ted Turner’s World Championship Wrestling (WCW) ៕ ដោយ៖លី ភីលីព
