ស្រុកល្វាឯម ៖ ក្រុមបាល់ទាត់អធិរាជជ្រោយពិសី មកពីយុវជនឃុំទឹកឃ្លាំង កក់កៅអីវគ្គ ៨ក្រុមចុងក្រោយ សម្រាប់ពូល “A” បន្ទាប់ពីក្រុមនេះ បានយកក្រុមបាល់ទាត់ យុវជនវត្តពោធិ៍មាស លទ្ធផល ១ទល់០ ព្រឹត្តិការណ៍ការប្រកួត ពានរង្វាន់បាល់ទាត់មិត្តភាព យុវជនស្រុកល្វាឯម ២០២២ នៅថ្ងៃទី៩ ខែមេសា ឆ្នាំ២០២២ នៅទីលានបាល់ទាត់វិទ្យាល័យ ហ៊ុន សែន ទឹកឃ្លាំងក្នុងស្រុកល្វាឯម ។
ចំណែកសប្តាហ៍ទី៣នេះ ក្រុមបាល់ទាត់យុវជនឃុំថ្មគរ យកឈ្នះក្រុមបាល់ទាត់យុវជន ឃុំព្រែករៃ លទ្ធផល ២ទល់១ពូល “A” រីឯពូល “D”ក្រុមបាល់ទាត់យុវជន កោះរះបានយកឈ្នះ ក្រុមបាល់ទាត់យុវជន ឃុំសំបួរ ក្នុងលទ្ធផល ២ ទល់ ១ក៏កក់កៅអីវគ្គ៨ក្រុម ចុងក្រោយ និងក្រុមបាល់ទាត់យុវជនក្មេងវត្តល្វាសរស្មើក្រុមបាល់ទាត់យុវជន ឃុំកោះកែវក្នុងលទ្ធផល ២ ទល់នឹង ២។
ចំណែកថ្ងៃទី១០ មេសាវិញ ពូល “B” ក្រុមបាល់ទាត់យុវជនឃុំសារិកាកែវ យកឈ្នះក្រុមបាល់ទាត់ យុវជនវិទ្យាល័យ ហ៊ុន សែនទឹកឃ្លាំងក្នុងលទ្ធផល ១ទល់នឹង០ ហើយក្រុមបាល់ទាត់យុវជន វិទ្យាល័យ ហ៊ុន សែន ពាមឧកញ៉ាអុង បានយក ឈ្នះក្រុមបាល់ទាត់ យុវជនវិទ្យាល័យ ហ៊ុន សែន ល្វាសរ ក្នុងលទ្ធផល៤ទល់នឹង៣ ។ ចំពោះពូល “C” ក្រុមបាល់ទាត់យុវជនល្ខោនខោល វត្តស្វាយ យកឈ្នះក្រុមបាល់ទាត់យុវជន ឃុំបឹងគ្រំ ក្នុងលទ្ធផល ៥ ទល់នឹង ០ និងក្រុមបាល់ទាត់ យុវជនឃុំព្រែកឬស្សី ឈ្នះក្រុមបាល់ទាត់យុវជន ឃុំព្រែកក្មេង ក្នុងលទ្ធផល ១ ទល់នឹង ១ ។ ដូច្នេះពូលនេះ ក្រុមបាល់ទាត់យុវជនល្ខោនខោលវត្តស្វាយ និងក្រុមបាល់ទាត់យុវជន ឃុំព្រែកឬស្សីឡើងវគ្គ៨ក្រុម ចុងក្រោយ។
ការប្រកួតពានរង្វាន់ បាល់ទាត់មិត្តភាពយុវជន ស្រុកល្វាឯម ២០២២មានក្រុមចូលរួមចំនួន ១៧ ក្រុមបែងចែកចេញ ជា៤ពូល ចំណែកពូល “A” មាន៥ក្រុម ហើយ៣ពូលមាន៤ក្រុម ហើយការប្រកួត ប្រព្រឹត្តិនៅទីលានបាល់ទាត់ វិទ្យាល័យ ហ៊ុន សែន ទឹកឃ្លាំង។ ចំពោះក្រុមទំាង១៧មកពីឃុំទំាង១៥ មកនៅស្រុកល្វាឯមរួមមានក្រុមបាល់ទាត់ យុវជនអធិរាជជ្រោយពិសី ក្រុមបាល់ទាត់យុជនឃុំព្រែករៃ ក្រុមបាល់ទាត់ យុវជនឃុំថ្មគរ ក្រុមបាល់ទាត់ យុវជនវត្តពោធិ៍មាស ក្រុមបាល់ទាត់ យុវជនឃុំអរិយក្សត្រ ក្រុមបាល់ទាត់ យុវជនវិទ្យាល័យ ហ៊ុន សែន ទឹកឃ្លាំង ក្រុមបាល់ទាត់ យុវជនវិទ្យាល័យ ហ៊ុន សែន ល្វាសរ និងក្រុមបាល់ទាត់ យុវជនឃុំសារិកាកែវ ។
រីឯក្រុមបាល់ទាត់យុវជនវិទ្យាល័យ ហ៊ុន សែន ពាមឧកញ៉ាអុង ក្រុមបាល់ទាត់យុវជនល្ខោនខោល វត្តស្វាយអណ្តែត ក្រុមបាល់ទាត់ យុវជនឃុំបឹងគ្រំ ក្រុមបាល់ទាត់ យុវជនឃុំព្រែករៃ ក្រុមបាល់ទាត់ យុវជនឃុំព្រែកឬស្សី ក្រុមបាល់ទាត់ យុវជនក្មេងវត្តល្វាសរ ក្រុមបាល់ទាត់យុវជនឃុំកោះកែវ ក្រុមបាល់ទាត់យុវជនឃុំសំបួរ និងក្រុមបាល់ទាត់យុវជនឃុំកោះរះ ៕ដោយ៖លី ភីលីព
