ការប្រកួតជម្រុះតាមពូល នៃពានរង្វាន់ Nation League បានឈានចូលមកដល់ ការប្រកួតលើកទី៤ហើយ សម្រាប់ក្រូអាតនិងបារាំងកាលពីយប់មិញ ហើយជាលទ្ធផលក្រូអាត អាចយកបាន៣ពិន្ទុ ទាំងប្រផិតប្រផោយពីបារាំង។
Modric ជាអ្នកស៊ុតបាល់ពិន័យ១១ម៉ែត្រ ដែលបានកើតឡើងដំបូង តាំងតែពីនាទីទី៥ នៃដើមតង់ទី១ និងក៏បានក្លាយទៅជា គ្រាប់បាល់តែមួយគត់ដែលបានកើតឡើង នៅក្នុងការប្រកួតនេះផងដែរ ទោះបីបារាំងបានគ្រប់គ្រងបាល់បាន ទៅដល់៥៣ភាគរយ និងស៊ុតចេញបានទៅដល់៨ដងក្តី។
ក្រោយចប់ការប្រកួតលើកនេះ គេសង្កេតឃើញថា នៅពូលពេលនេះដាណឺម៉ាក ជាអ្នកឈរលើគេមាន៩ពិន្ទុពេញ ខណៈដែលក្រូអាតមាន៧ពិន្ទុឈរនៅលេខ២ អូទ្រីសលេខ៣ ខណៈដែលបារាំង ម្ចាស់សពានរង្វាន់ពិភពលោក ស្ថិតនៅបាតតារាង៕ ប្រែសម្រួល៖ស៊ុនលី
