កីឡាករឆ្នើមសញ្ជាតិអ៊ុយក្រែន ដែលជួយឲ្យមេឃខៀវ Man City លើកពានរង្វាន់អង់គ្លេស៤ រដូវកាលមកហើយនោះ ត្រូវបានគេជឿជាក់ថា រដូវក្តៅនេះនឹងអាចផ្ទេរ ទៅចូលរួមជា មួយនឹងក្លឹប កាំភ្លើងធំ Arsenal ហើយ ក្រោយការព្យាយាម របស់គ្រូបង្វឹក លោក Mikel Arteta ប៉ុន្មានសប្តាហ៍កន្លងមក ។
កីឡាករ Oleksandr Zinchenko ត្រូវបាន The Goal ជឿជាក់ថា នឹងអាចផ្ទេរទៅចូលរួមជាមួយនឹងក្លឹប Arsenal ហើយនៅពេលនេះក្នុងតម្លៃខ្លួន ប្រមាណជា៣០លានផោន ហើយក្នុងនោះកីឡាករវ័យ២៦ឆ្នាំ រូបនេះ ក៏បានព្រមព្រៀងជាលក្ខខណ្ឌ ផ្ទាល់ខ្លួនរួចផងដែរជាមួយនឹង កុងត្រាដែលមានរយៈពេល៤ឆ្នាំ ។
គេជឿជាក់ថា Zinchenko នឹងត្រូវយកមកប្រើប្រាស់ជំនួស តំណែងរបស់ Kieran Tierney សម្រាប់ការប្រកួតប្រជែង រដូវកាលក្រោយគឺ ជាជម្រើសដ៏ល្អបំផុតពីព្រោះថា នៅលេងជាមួយនឹង Man City គាត់អាចលេង បានត្រឹមកីឡាករ ខ្សែការពារស្លាបឆ្វេង ប៉ុណ្ណោះ ៕
ប្រែសម្រួល៖ស៊ុនលី
