យោងតាមការចេញផ្សាយរបស់ The talkSPORT នៅថ្ងៃនេះបានឲ្យដឹងថា ក្លឹបបិសាចក្រហម Man UTD កំពុងតែធ្វើការយ៉ាងមមាញឹក ដើម្បីនាំយកកីឡាករឆ្នើម Matheus Cunha ឲ្យបានឆាប់បំផុត មុនបញ្ចប់រដូវក្តៅនេះ។
ប្រភពដដែលបានសរសេរទៀតថា ទោះបីជាយ៉ាងណាចាំបាច់ ត្រូវតែចំណាយប្រាក់យ៉ាងហោចណាស់ ៥០លានអឺរ៉ូ ដើម្បីនាំយកកីឡាករប្រេស៊ីលរូបនេះ មកអង់គ្លេសបាន ខណៈដែលបច្ចុប្បន្ន Cunha កំពុងលេងឲ្យក្លឹប AT Madrid នៅលីគកំពូលអេស្បាញនៅឡើយ។
គួរឲ្យដឹងដែរថា Cunha កាលពីពេលកន្លងមកគឺជាកីឡាករ ដែលធ្លាប់លេងឲ្យក្លឹប Hertha Berlin និង RB Leipzig ផងដែរមុនពេលដែល បានផ្ទេរមកចូលរួមជាមួយនឹង AT Madrid កាលពីឆ្នាំ២០២១ ជាមួយនឹងកុងត្រាដែលមានរយៈពេល៥ឆ្នាំហើយ ពេលនេះគាត់អាចរកបាន គ្រាប់បាល់៧គ្រាប់មកហើយ ក្នុងពេលមួយរដូវកាលដំបូង ជាមួយនឹងក្លឹប៕ ប្រែសម្រួល៖ស៊ុនលី
