ខ្សែបម្រើ Morgan Gibbs-White បានធ្វើការផ្លាស់ពីក្លឹប Wolves ទៅកាន់ក្លឹប Nottingham Forest ជាផ្លូវការនៅក្នុងថ្ងៃនេះដែលជាក្លឹបទើបឡើងពី Championship ទៅ Prmier League ក្នុងរដូវកាលឆ្នាំ២០២២/២៣នេះ។
Gibbs-White បានចុះកុងត្រាជាមួយ Nottingham Forest រយៈពេល៥ឆ្នាំ ចាបពីថ្ងៃនេះ រហូតដល់ថ្ងៃទី៣០ ខែមិថុនា ឆ្នាំ២០២៧។
បើតាមការចុះផ្សាយរបស់ BBC ក្លឹប Nottingham Forest បានចំណាយសរុបជិត៣០លានដុល្លារ ដើម្បីទិញយក Gibbs-White ពី Wolves ។
កីឡាករខាងលើនេះ មានវ័យ២២ឆ្នាំហើយមកទល់នឹងពេលនេះ ដោយគេជាកីឡាករ ដែលបណ្ដុះបណ្ដាលឲ្យ Wolves តាំងពីក្រុមថ្នាល រហូតដល់ក្រុមឈុតធំ ៕
