គ្រូបង្វឹកលោក Pep Guardiola នៅថ្ងៃនេះបានធ្វើការលើកឡើង និងអះអាងថាមកដល់ពេលនេះ មិនមានកីឡាករណាមួយ ដែលមានអាយុប្រហាក់ប្រហែល នឹងកីឡាករ Erling Haaland ជាពិសេសចំពោះទំរង់លេងយ៉ាងល្អឥតខ្ជោះ របស់គាត់នៅដើមរដូវកាលនេះ។
ទោះបីជាទើបមកដល់លីគអង់គ្លេសក្តី ប៉ុន្តែជឿជាក់ថានឹងមិនមានបញ្ហាអ្វីឡើយ សម្រាប់ Erling Haaland ដើម្បីអាចសម្របខ្លួន បាននៅទីនេះខណៈដែលកីឡាករវ័យ២២ឆ្នាំរូបនេះ អាចរកគ្រាប់បាល់បញ្ចូលទីបានទៅដល់ ១៧គ្រាប់មកហើយ។
លោក Guardiola បាននិយាយបែបនេះថា៖ នៅក្នុងអាយុស្របាលគ្នានេះ គ្មានកីឡាករណាម្នាក់អាចប្រៀបធៀប ជាមួយនឹងគាត់បានឡើយ ទាំងពេលនៅក្នុងបន្ទប់ប្តូរសម្លៀកបំពាក់ និងនៅលើទីលានប្រកួតក្តី ពួកយើងពិតជារីករាយខ្លាំងណាស់ ដែលមានវត្តមានគាត់នៅទីនេះ៕ ប្រែសម្រួល៖ស៊ុនលី
