អ៊ីតាលី៖អ្នកស្រាវជ្រាវបានណែនាំថា គ្រូបង្រៀនអាចផ្តល់រង្វាន់ដល់សិស្ស ដោយមិនដឹងខ្លួនបង្ហាញពី អាកប្បកិរិយាជាស្ត្រីតាមប្រពៃណី ដូចជាភាពស្ងប់ស្ងាត់ និងភាពស្អាតស្អំ ដែលធ្វើឲ្យជីវិតរបស់គ្រូបង្រៀន កាន់តែងាយស្រួលយោងតាមការចេញផ្សាយពីគេហទំព័រស្គាយញ៉ូវ។
យោងតាមការសិក្សាថ្មីមួយបានឲ្យដឹងថា ក្មេងស្រីត្រូវបានផ្តល់ពិន្ទុល្អក្នុងថ្នាក់ជាប្រចាំជាង ក្មេងប្រុសដែលមានសមត្ថភាពសិក្សាដូចគ្នា។ ដោយទាញយកការរកឃើញ ពីសិស្សរាប់ម៉ឺននាក់ និងគ្រូរបស់ពួកគេ អ្នកស្រាវជ្រាវនៅប្រទេសអ៊ីតាលីបានកំណត់ថា វាជាបញ្ហាជាប្រព័ន្ធ ហើយបានកំណត់អំពីទ្រឹស្ដី អំពីមូលហេតុដែលវាអាចជា។
ការងាររបស់ពួកគេត្រូវបានចេញផ្សាយ លើទស្សនាវដ្តីសង្គមវិទ្យានៃការអប់រំរបស់អង់គ្លេស ណែនាំថា គ្រូបង្រៀនអាចផ្តល់រង្វាន់ដល់សិស្សបង្ហាញអាកប្បកិរិយា ជាស្ត្រីតាមបែបប្រពៃណី ដូចជាភាពស្ងប់ស្ងាត់ និងភាពស្អាតស្អំដែលធ្វើឲ្យជីវិតកាន់តែងាយស្រួលសម្រាប់ពួកគេ។ ទ្រឹស្ដីមួយទៀតគឺថា ថ្នាក់បំប៉នគណិតវិទ្យា គឺជាវិធីនៃការព្យាយាមលើកទឹកចិត្តក្មេងស្រី ជារឿយៗត្រូវបានគេមើលឃើញថា ខ្សោយនៅក្នុងមុខវិជ្ជានេះ។
អ្នកស្រាវជ្រាវបានព្រមានថា ភាពលំអៀងនេះប្រឆាំង នឹងក្មេងប្រុស អាចមានន័យថា ភាពខុសគ្នារវាងការប្រលង និងការបរាជ័យ ហើយអាចមានផលវិបាកកាន់តែទូលំទូលាយនៅក្នុងផ្នែកដូចជា ការចូលរៀននៅមហាវិទ្យាល័យ ជម្រើសការងារ និងប្រាក់ចំណូល។
លោកស្រី Ilaria Lievore បាននិយាយថា ដោយវាមានការជាប់ទាក់ទងគ្នាយ៉ាងខ្លាំងរវាងការទទួលបានពិន្ទុខ្ពស់ និងលទ្ធផលអប់រំដែលចង់បាន ដូចជាការចូលរៀននៅមហាវិទ្យាល័យល្អ ឬមានប្រូបាប៊ីលីតេទាបជាងការបោះបង់ការសិក្សា។ អ្នកស្រាវជ្រាវមានមូលដ្ឋាននៅសាកលវិទ្យាល័យ Trento បានចាប់ផ្តើមការងាររបស់ពួកគេដោយផ្អែកលើលទ្ធផលតេស្តិ៍បង្ហាញពីភាពមិនស៊ីសង្វាក់គ្នារវាងថ្នាក់ប្រឡងស្តង់ដារ និងអ្នកដែលផ្តល់រង្វាន់ដោយគ្រូ៕ ដោយ៖លី ភីលីព
