The 90min ចេញផ្សាយនៅថ្ងៃនេះបានឲ្យដឹងថាក្លឹប Leicester City មកដល់ពេលនេះបានស្ថិតនៅ ក្នុងបញ្ជីក្លឹបមួយចំនួនផ្សេងទៀត ដែលកំពុងតាមចរចាជាមួយ នឹងកីឡាករខ្សែបម្រើប្រយុទ្ធបារាំង Enzo Le Fee ដែលកំពុងឡើងជើងខ្លាំង ជាមួយនឹងក្លឹបបារាំង Lorient។
បច្ចុប្បន្ន Lorient កំពុងបន្តឈរនៅលេខរៀងទី៤ ក្នុងតារាងកំពូល Ligue1 ហើយ Le Fee គឺជាកីឡាករថ្នាលយុវជន ដែលបានជួយដល់ក្រុមបានយ៉ាងខ្លាំង នៅរដូវកាលនេះនិងបានក្លាយទៅជា កីឡាករដ៏សំខាន់របស់ក្រុមដើម្បី ទទួលបានលទ្ធផលដ៏ល្អនេះ។
កីឡាករខ្សែបម្រើកណ្តាលវ័យ ២២ឆ្នាំនេះ រកបាន២គ្រាប់និងជួយមិត្តរួមក្រុមបាន ២ដង ព្រមទាំងបានជួយបង្កើត ឱកាសជាច្រើនទៀតឲ្យក្រុមទៀតផង ប៉ុន្តែកុងត្រារបស់កីឡាករត្រឹមឆ្នាំ២០២៤ គឺជាពេលវេលាដ៏លំបាកដែល ក្លឹបបារាំងនេះត្រូវលំបាកក្នុងការរក្សាទុក Le Fee ដែលត្រូវបានគេជឿជាក់ថា Leicester City នឹងមិនខ្វះលុយចំណាយឡើយ ដើម្បីជំនួសតំណែងកីឡាករ Tieleman៕
ប្រែសម្រួល៖ ស៊ុន លី
