កាតា៖កីឡាករ Ibrahim Al-Ghanim អតីតខ្សែការពារក្រុមបាល់ទាត់ជម្រើសជាតិកាតាបានស្លៀកពាក់ដូចបុរសប្រណៃណីក្នុងស្រុករាប់ពាន់នាក់ផ្សេងទៀត នៅពេលលោកប្រញាប់ប្រញាល់ទៅកាន់កន្លែងអង្គុយរបស់លោកក្នុងបន្ទប់ធំនៅកីឡដ្ឋាន Al Bayt នៃការប្រកួត World Cup ។
លោកបានពាក់អាវបុរាណ អាវធំពណ៌ស ដៃវែង និងបានមកអបអរក្រុមជម្រើសជាតិកាតាកាលពីថ្ងៃអង្គារក្នុងការប្រកួតចុងក្រោយរបស់ខ្លួននៅ World Cup ។ លោក Al-Ghanim បាននិយាយថា យើងទាំងអស់គ្នានៅទីនេះដើម្បីគាំទ្រកាតា និងក្រុម ហើយរីករាយជាមួយវា ពិតណាស់ប្រទេសកាតាគ្មានក្តីរំពឹងថានឹងឈ្នះ World Cup ទេ។
លោក Al-Ghanim បានស្នើមិនប្រើ World Cup ជាឧបករណ៍វាស់ស្ទង់។ លោកបានចង្អុលទៅកាតាឈ្នះពាន Asian Cup 2019 ដោយយកឈ្នះជប៉ុននៅវគ្គផ្ដាច់ព្រ័ត្រ។ លោកបានបន្តថា យើងបានទទួលជោគជ័យហើយ ប៉ុន្តែវាធំជាងនេះ យើងកំពុងរីកចម្រើន។
កាតាចាញ់ការប្រកួតកាលពីថ្ងៃអង្គារទល់នឹងហូឡង់ ២-០។ កាតាបានចាញ់ការប្រកួតក្នុងពូលទាំង៣របស់ខ្លួន ដោយស៊ុតបញ្ចូលទីបានតែមួយគ្រាប់ប៉ុណ្ណោះ ហើយត្រូវបានកាត់ចេញពីការប្រកួតរបស់ខ្លួនសូម្បីតែមុនការប្រកួតចុងក្រោយនេះ។
អ្នកគាំទ្រកាតាបានសាទរយ៉ាងគួរសមនៅចុងបញ្ចប់ដោយខ្លះលើកបដាបង្ហាញការគាំទ្រ ហើយក្រុមមួយបានបង្ហាញសញ្ញាជាភាសាអង់គ្លេសមានពាក្យអារ៉ាប់សម្រាប់ “អរគុណ” ។ កាតាជាប្រទេសម្ចាស់ផ្ទះដំបូងគេបានចាញ់ការប្រកួតបើកឆាករបស់ខ្លួន ហើយមានតែលើកទី២ប៉ុណ្ណោះត្រូវបានកាត់ចេញពីវគ្គចែកពូល។
ប្រទេសកាតាមានប្រជាជនចំនួន ៣ លាននាក់ ប៉ុន្តែមានតែ ១ ក្នុងចំណោម ១០ ប៉ុណ្ណោះគឺជាប្រទេសកាតារួមានកម្មករ ទាំងជំនាញ និងគ្មានជំនាញមកពីជុំវិញពិភពលោក។ លោក Ramzy Dabbous មេចុងភៅជនជាតិលីបង់ដែលបានរស់នៅក្នុងប្រទេសកាតាអស់រយៈពេល ១២ ឆ្នាំបាននិយាយថា យើងនៅទីនេះដើម្បីគាំទ្រក្រុម និងនិយាយលា៕ដោយ៖លី ភីលីព
