ភ្នំពេញ ៖ នាថ្ងៃទី១៣ ខែធ្នូ ឆ្នាំ២០២២ នេះ សហព័ន្ធកីឡាសូហ្វតិនី្នសកម្ពុជា បានរៀបចំមហាសន្និបាត វិសាមញ្ញ ដើម្បីបូកសរុបសកម្មភាព ការងារឆ្នាំ២០២២ និងលើកទិសដៅការងារ សម្រាប់ឆ្នាំ២០២៣ ព្រទំាងកែសម្រួលសមាសភាព គណៈកម្មាធិការប្រតិបតិ្ត អាណត្តិទី៣ ឆ្នាំ២០២២-២០២៦ ដែលធ្វើឡើងនៅទីស្នាក់ការ គណៈកម្មាធិការជាតិអូឡាំពិកកម្ពុជា ត្រៀមខ្លួនសម្រាប់ព្រឹត្តិការណ៍ ការប្រកួតកីឡា SEA GAMES 2023 លើកទី៣២ ដែលកម្ពុជាធ្វើម្ចាស់ផ្ទះ ការប្រកួតជាផ្លូវការ ។
ក្នុងឱកាសចូលរួម មហាសន្និបាត វិសាមញ្ញដោយមានការអញ្ជើញពីសំណាក់លោក សរ សិទ្ធិ អនុរដ្ឋលេខាធិការ នៃក្រសួងមហាផ្ទៃ និងជាប្រធាន មហាសន្និបាត និងលោក តែម ម៉ឺន អគ្គលេខាធិការរង គណៈកម្មាធិការជាតិអូឡាំពិកកម្ពុជា តំណាង ឲ្យលោក វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា លោក ហួត សេងទី នាយកដ្ឋានគ្រប់គ្រង និងរៀបចំព្រឹត្តិការណ៍ប្រកួតកីឡា និងលោក ប៉ែន វុទ្ធិ អនុប្រធាននាយកអប់រំកាយ និងកីឡាទទួលបន្ទុករួម នៃក្រសួងអប់រំ យុវជន និងកីឡា ។
លោក សរ សិទ្ធិបានមានប្រសាសន៍ថា សម្រាប់ឆ្នាំ២០២៣ ជាពេលវេលាកំណត់ និងជាព្រឹត្តិការណ៍ចារ្យជាប្រវត្តិសាស្រ្ត ដែលកម្ពុជាធ្វើជាម្ចាស់ផ្ទះ ការប្រកួតកីឡា SEA GAMES 2023 លើកទី ៣២ និងត្រៀម ចូលរួមការប្រកួត នានាជាច្រើនទៀត ។ ដូចនេះសហព័ន្ធកីឡាសូហ្វតិន្នីសកម្ពុជា បានត្រៀមរៀប ចំនូវទិសដៅអនុវត្តផែនការ សកម្មភាពការងារ និងបង្កើនការយកចិត្តទុកដាក់ ដល់ក្រុមជម្រើសជាតិ ក្នុងការប្រមូលផ្តុំហាត់ហ្វឹកហ្វឺន ត្រៀមចូលរួមប្រកួត ក្នុងព្រឹត្តិការណ៍ធំៗឲ្យបានច្រើន តាមអាចធ្វើទៅបានក្នុងបំណងបង្កើននូវសមត្ថភាពបច្ចេកទេស ក៏ដូចជាការដណ្តើមមេដាយ ជូនជាតិមាតុភូមិកម្ពុជា ។
លោកបានបន្តថា សហព័ន្ធនឹងរៀបចំការប្រកួតសូហ្វតិន្នីសជើងឯកអាស៊ីអាគ្នេយ៍លើកទី៣ ឆ្នាំ ២០២៣ (The 3rd Southeast Soft Tennis Championships 2023) គ្រោងរយៈពេល៧ថ្ងៃនៅពហុកីឡដ្ឋានជាតិ អូឡាំពិក ដោយមានប្រទេសចូលរួមដូចជា ថៃ ឡាវ វៀតណាម ហ្វីលីពីន ឥណ្ឌូនេស៊ី និងម៉ាឡេស៊ី ។ ចូលរួមប្រកួត ក្នុងព្រឹត្តិការណ៍កីឡា SEA Games លើកទី ៣២ ឆ្នាំ២០២៣ កម្ពុជាធ្វើជាម្ចាស់ផ្ទះក្នុង នោះប្រភេទកីឡាសូហ្វតិន្នីស នឹងរៀបចំប្រកួតរយៈពេល៥ថ្ងៃ ចាប់ពីថ្ងៃទី ០៦ ដល់ថ្ងៃទី ១០ ខែ ឧសភា ឆ្នាំ ២០២៣ នៅទីលានវាយកូនបាល់ និងសូហ្វតិន្នីស ក្នុងពហុកីឡដ្ឋានជាតិ រាជធានីភ្នំពេញ ។
សម្រាប់អាណត្តិថ្មីនេះមានគណៈកម្មាធិការប្រតិបតិ្ត២៩រូបរួមមានលោក សរ សិទ្ធិ ប្រធាន លោក តុងសុផល អនុប្រធានទី១ លោក ម៉ៅ សុផល លោក វ៉ា គ្រី លោក ប៊ូ សុផល អនុប្រធាន លោក ឧត្តមសេនីយ៍ទោយិតភីរៈ អគ្គលេខាធិការ លោក ថា សុជាតិ កញ្ញា មាស តឿ កញ្ញា ឃន សាតសាន្នីតា លោក ស្រ៊ឺ ស្រេង អគ្គលេខាធិការរង លោក ឧត្តមសេនីយ៍ទោ អ៊ាន សុភ័ក្រ្ត អគ្គហេរញ្ញិក លោក វ៉ង់ វុទ្ធា លោក សំណាង វីរៈបុត្រ លោក នី ចាន់សេដ្ឋា លោក ដាំ ដា អគ្គហេរញ្ញិករង លោក គីវ ប៉ូឡូ
លោក ហេង សុឆុន លោក ងិន មករា លោក ស្រេង ឈុនឡាយ កញ្ញា សួង ចាន់តូរ៉ាទី កញ្ញា គួយ ស៊ីវឡេង កញ្ញា ឈឹម ដូនីតា លោកស្រី វ៉ាន សុវណ្ណ លោក កែវ ពិសិដ្ឋ លោក យី សារិន លោ ឆាយ មនៈសិកា លោក ឆាយ បញ្ញាវុធ លោក យ៉ែម វាសនា និងលោក សៀង ម៉ៅ សមាជិក។
សហព័ន្ធបានតែងតាំងលោក ប្រាក់ ផល្លា ប្រធានកិត្តិយសសហព័ន្ធ លោក KIM GUN JUNG លោក OGIWARA MASATO និងលោកCHENG KWOK LEUNG KELVINសមាជិកកិត្តិយសសហព័ន្ធ ៕
