កាតា ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា ប្រធានាធិបតីបារាំង លោក Emmanuel Macron បានធ្វើដំណើរទៅកាន់ ប្រទេសកាតា កាលពីថ្ងៃពុធ ដើម្បីចូលរួមទស្សនាការ ប្រកួតវគ្គពាក់កណ្តាល ផ្តាច់ព្រ័ត្រ World Cup រវាងបារាំង និងម៉ារ៉ុក ជាការជួបគ្នា ដែលមានការចោទប្រកាន់ ផ្នែកនយោបាយ រវាងប្រទេសអាហ្វ្រិកខាងជើង និងអតីតអាណានិគម របស់ខ្លួន ។
លោក Macron កំពុងឈរក្បែរប្រធាន FIFA លោក Gianni Infantino នៅក្នុងកន្លែងឈរ នៅកីឡដ្ឋាន Al Bayt បន្ទាប់ពីភ្លេងជាតិ សម្រាប់ប្រទេសទាំង២ ត្រូវបានលេងមុនពេលចាប់ផ្តើម ។ មុននេះលោកបានទៅលេងផ្សារមួយក្នុងទីក្រុងដូហា រដ្ឋធានីកាតា ។ លោក Macron បានដើរកាត់ហ្វូងមនុស្សនៅ Souq Waqif ពាក់ក្រមាមាន ពណ៌ទង់ជាតិកាតា មុនពេលចូលរថយន្ត ចំពេលមានសន្តិសុខការពារយ៉ាងខ្លាំង សម្រាប់ការធ្វើដំណើរចម្ងាយ ៥០ គីឡូម៉ែត្រពី Doha ទៅ Al Khor សម្រាប់ការប្រកួត ។
លោក Macron បាននិយាយនៅពេលសួររកការទស្សន៍ទាយថា “បារាំងនឹងឈ្នះ” បារាំងឈ្នះការប្រកួត ២-០ ។ ម៉ារ៉ុកត្រូវបានគ្រប់គ្រង ដោយបារាំងពីឆ្នាំ ១៩១២-៥៦ ។ ការប្រកួតនៅថ្ងៃពុធ មានភាពតានតឹង ផ្នែកនយោបាយ និងអារម្មណ៍សម្រាប់ប្រទេសទាំង២។ វាលុបបំបាត់អ្វីៗដែលស្មុគស្មាញ អំពីទំនាក់ទំនងបារាំង នៅតែមាន ឥទ្ធិពលសេដ្ឋកិច្ច នយោបាយ និងវប្បធម៌យ៉ាងច្រើន ។
លោក Macron បានរម្លង កិច្ចប្រជុំកំពូល របស់សហភាពអឺរ៉ុប និងមេដឹកនាំអាស៊ីអាគ្នេយ៍នៅទីក្រុងប្រ៊ុចសែល ដើម្បីចូលរួមការប្រកួតនេះ។ បារាំងនឹងប៉ះអាហ្សង់ទីន នៅវគ្គផ្ដាច់ព្រ័ត្រ នៅថ្ងៃអាទិត្យ ៕
