ដូហា៖ប្រធាន FIFA លោក Gianni Infantino បានប្រកាសជាផ្លូវការថា ផែនការសម្រាប់ព្រឹត្តិការណ៍ ការប្រកួតកីឡាបាល់ទាត់ Club World Cup ដែលមានក្រុមចំនួន ៣២ ចាប់ពីឆ្នាំ ២០២៥ ទោះបីជាមានសេចក្តីរាយការណ៍ថា មានការប្រឆាំងពីក្លឹបធំៗ នៅអឺរ៉ុបក៏ដោយ យោងតាមការចេញផ្សាយ ពីគេហទំព័រជប៉ុនធូដេ។
ការពង្រីកការប្រកួតប្រជែង គឺជាគម្រោងរបស់លោក Infantino’s ជាយូរមកហើយ។ ព្រឹត្តិការណ៍ដែលមានក្រុមចំនួន ២៤ មានក្រុមចំនួន ៨ មកពីទ្វីបអឺរ៉ុប ត្រូវបានគ្រោងទុកសម្រាប់ឆ្នាំ ២០២១ក្នុងប្រទេសចិន ប៉ុន្តែត្រូវបានផ្អាកដោយសារតែជំងឺរាតត្បាតនៃមេរោគឆ្លង។
លោក Infantino បានបន្តថា ការប្រកួតរូបរាងថ្មី នឹងធំជាងការគ្រោងទុកដំបូង។ ប្រធាន FIFA បាននិយាយនៅព្រឹត្តិការណ៍ World Cup នៅទីក្រុង Doha កាលពីថ្ងៃសុក្រថា យើងបានយល់ព្រម កាលពីប៉ុន្មានឆ្នាំមុនឲ្យមាន ២៤ ក្រុមថ្មីនៃ Club World Cup” ។
វាគួរតែកើតឡើងនៅឆ្នាំ ២០២១ ប៉ុន្តែត្រូវបានពន្យារពេលដោយសារតែ COVID។ ការប្រកួតថ្មីនឹងប្រព្រឹត្តទៅនៅឆ្នាំ ២០២៥ ហើយនឹងមានក្រុមចំនួន ៣២ ដែលធ្វើឲ្យវាដូចជា ការប្រកួតបាល់ទាត់ពិភពលោក។
របាយការណ៍តាមប្រព័ន្ធផ្សព្វផ្សាយ របស់ចក្រភពអង់គ្លេស ក្នុងសប្តាហ៍នេះបាននិយាយថា ក្លិបនៅអឺរ៉ុបបានច្រានចោលសំណើរបស់ FIFA ដើម្បីចាប់ផ្តើមការប្រកួតដែលមានរូបរាងថ្មី។
ផែនការនេះគឺសម្រាប់ការប្រកួត បានពង្រីកដែលនឹងត្រូវធ្វើឡើងរៀងរាល់ ៤ ឆ្នាំម្តងជំនួសឲ្យជារៀងរាល់ឆ្នាំ ដូចករណីសម្រាប់ព្រឹត្តិការណ៍ក្រុម៧បច្ចុប្បន្ន។ លោក Infantino បានបន្ថែមថា ការចេញលើកទីមួយនឹង ប្រព្រឹត្តទៅនៅឆ្នាំ ២០២៥ នៅរដូវក្តៅ ហើយក្នុងអំឡុងពេលនោះ វាជាការប្រកួត Confederations Cup ។
វានឹងយូរជាងនេះបន្តិច ព្រោះវានឹងមាន ៣២ ក្រុម ប៉ុន្តែពួកគេនឹងក្លាយជាក្រុមល្អបំផុត លើពិភពលោក នឹងត្រូវបានអញ្ជើញឲ្យចូលរួម” ។ ការប្រកួត Club World Cup នៅឆ្នាំក្រោយក្នុងទម្រង់បច្ចុប្បន្នរបស់វា នឹងប្រព្រឹត្តទៅនៅប្រទេសម៉ារ៉ុក ចាប់ពីថ្ងៃទី ១ ដល់ថ្ងៃទី ១១ ខែកុម្ភៈ ឆ្នាំ ២០២៣៕ ដោយ៖លី ភីលីព
