ទីបំផុតក្រោយព័ត៌មាន ចចាមអារ៉ាមថាកីឡាករ CR7 នឹងត្រូវផ្ទេរទៅចូលរួមធ្វើការ ជាមួយនឹងក្លឹបសេដ្ឋីអារ៉ាប់ Al Nassr នោះពេលនេះការប្រកាសជាផ្លូវការ ត្រូវបានធ្វើឡើងដោយកីឡាករ នឹងត្រូវលេងនៅទីនោះរហូតដល់ ឆ្នាំ២០២៥។
កីឡាករប៉ទុយហ្គាល់រូបនេះ មានឈ្មោះជាកីឡាករដែលគ្មានតម្លៃខ្លួនឡើយ ក្រោយពីបានសម្រេចចិត្តចាកចេញ ពីក្លឹបបិសាចក្រហម Man UTD ទាំងដែលមិនអស់ចិត្ត ហើយក៏មិនអាចរកក្លឹបផ្សេង ដើម្បីបន្តអាជីពនៅឡើយ។
BBC បានអះអាងកីឡាកររូបនេះ នឹងចូលរួមជាមួយនឹងក្លឹប ជាមួយនឹងតម្លៃខ្លួនដ៏ខ្ពស់បំផុតមួយ ក្នុងប្រវត្តិសាស្ត្រឬប្រមាណជា ១៧៧លានផោន ក្នុងមួយឆ្នាំខណៈដែលកីឡាករ
វ័យ៣៧ឆ្នាំរូបនេះបានថ្លែងថា៖ ខ្ញុំនៅតែបន្តចង់ស្វែងរកបទពិសោធថ្មី ជាមួយនឹងលីគបាល់ទាត់នៅអាស៊ី បន្ទាប់ពីនៅអឺរ៉ុបអស់រយៈពេល ជាច្រើនទសវត្សមកហើយនោះ។
គួរឲ្យដឹងដែរថា ក្រោយការប្រកាសអំពីការចូលរួមរបស់ CR7 ភ្លាមផេកផ្លូវការរបស់ Al Nassr បានកើនឡើងអ្នកតាមដាននៅលើ Twitter រហូតទៅដល់ ២ដងពី ៨៦ម៉ឺននាក់ទៅដល់ ១,៦លាននាក់៕
ប្រែសម្រួល៖ ស៊ុន លី
