ភ្នំពេញ៖នាថ្ងៃទី២ ខែកុម្ភៈ ឆ្នាំ២០២៣ នៅសាលហ្វឹកហាត់ជម្រើសជាតិប្រដាល់សកល សហព័ន្ធកីឡាប្រដាល់សកលកម្ពុជា បានរៀបចំពិធី ចែកវិញ្ញា បនបត្រដល់មន្ត្រីអាជ្ញាកណ្តាល-ចៅក្រមប្រដាល់សកលចំនួន ០៨រូបដែលបានប្រឡងជាប់ ជាអាជ្ញា កណ្តាល-ចៅ ក្រមកម្រិតអន្តរជាតិផ្កាយ១ ដែលទទួលបានស្គាល់ដោយសមាគមកីឡាប្រដាល់សកលអន្តរជាតិ (IBA) ។
លោក ប៊ុយ សុភ័ណ្ឌ អគ្គលេខាធិការនៃសហព័ន្ធកីឡាប្រដាល់សកលកម្ពុជាបាននិយាយថា មន្ត្រីអាជ្ញាកណ្តាល-ចៅក្រម ប្រដាល់សកលកម្ពុជា ៨រូប ប្រឡងជាប់កម្រិតអន្តរជាតិផ្កាយ១ ជាប្រវត្តិសាស្រ្តសម្រា ប់ត្រៀមចូលរួមវិនិច្ឆ័យ កាត់សេចក្តីសម្រាប់ព្រឹតិ្តការណ៍ការប្រកួតកីឡា SEA GAMES 2023 ឆ្នាំ២០២៣ នៅកម្ពុជា ។
លោកបន្តថា មន្ត្រីអាជ្ញាកណ្តាល-ចៅក្រមប្រដាល់សកលកម្ពុជា ០៨រូបនេះបានចូលរួមវគ្គបណ្តុះបណ្តាល អាជា្ញកណ្តាល-ចៅក្រមអន្តរជាតិផ្កាយ១ កាលពីថ្ងៃទី២៣ ដល់ ២៩ ខែធ្នូ ឆ្នាំ២០២២ ដោយសហការជាមួយសមាគម កីឡាប្រដាល់សកលអន្តរជាតិ (IBA) ដែលបង្រៀនដោយ លោក Waith John Henry គ្រូឧទ្ទេសអន្តរជាតិរបស់ IBA ។
សម្រាប់មន្ត្រីអាជ្ញាកណ្តាល-ចៅក្រមទាំង៨រូប នឹងមាន២រូបចូលរួមកាត់សេចក្តីសម្រាប់ប្រភេទកីឡា បរដាល់សកលក្នុងការប្រកួតកីឡា SEA GAMES 2023 ឆ្នាំ២០២៣ នៅកម្ពុជាដែលនឹងប្រកួតចាប់ពីថ្ងៃទី០៦ ដល់ ១៤ ខែឧសភា ឆ្នាំ២០៣២។ រីឯមន្ត្រីអាជ្ញាកណ្តាល-ចៅក្រម ៦រូបទៀតក៏នឹងចូលរួមជាមន្ត្រីបច្ចេកទេស សម្រាប់រៀបចំការ ប្រកួតកីឡាស៊ីហ្គេម ឆ្នាំ២០២៣ នេះផងដែរ។
មន្ត្រីអាជ្ញាកណ្តាល-ចៅក្រមទាំង ០៨រូប រួមមាន លោក សួស លីនណា លោក ម៉ាក់ សាមឿន លោក ផល សុផាត លោក ណុប វ៉ាន់ថេត លោក ម៉ី រតនៈ លោក ជួន សំណាង កញ្ញា ឥន្ទ វិចិត្រ និង លោក នួន វុទ្ធី៕
