The Goal ចេញផ្សាយនៅថ្ងៃនេះបានឲ្យដឹងថាកីឡាករខ្សែការពារ Kalidou Koulibaly បានធ្វើការបង្ហោះសារលាអ្នកគាំទ្ររបស់ខ្លួននៅក្លឹបតោខៀវ Chelsea ហើយបន្ទាប់ពីបានសម្រេចចិត្តជាផ្លូវការថានឹងទៅចូលរួមជាមួយនឹងក្លឹបនៅលីគអារ៉ាប់ Al Hilal។
កីឡាកររូបនេះបានថ្លែងអំណរគុណដល់ក្លឹបនិងអ្នកគាំទ្រក្លឹប Chelsea ទាំងអស់ដែលធ្លាប់បានលើកទឹកចិត្តដល់រូបគាត់ក្នុងអំឡូងពេលមួយឆ្នាំកន្លងមកនេះហើយអតីតកីឡាករខ្សែការពារ Napoli រូបនេះបានសម្រេចចិត្តហើយក្នុងការតទទួលយកកុងត្រារយៈពេល៣ឆ្នាំ នៅ Al Hilal ជាមួយនឹងតម្លៃប្រាក់កម្រៃដល់ទៅ២៣លានផោន ក្នុងមួយឆ្នាំ។
ការមកដល់ទឹកដីអង់គ្លេសពីលីគកំពូលអ៊ីតាលីកីឡាករ ខ្សែការពារវ័យជ្រេបន្តិចទៅហើយរូបនេះហាក់ដូចជាមិនសូវបានបង្ហាញខ្លួនបានញឺកញាប់និងក្នុងទំរង់លេងល្អដូច ការរំពឹងទុកនោះដែរហើយខណៈដែលគ្រូបង្វឹកថ្មីលោក Maurico Pochettino បានមកដល់ផងកំណែក្រុមថ្មីនឹងកើតឡើងដូច្នេះ ការសម្រេចចិត្តចាកចេញគឺជារឿងដ៏ល្អបំផុត៕
ប្រែសម្រួល៖ស៊ុនលី
