អង់គ្លេស ៖ ប្រព័ន្ធផ្សព្វផ្សាយ ក្នុងស្រុកបានរាយការណ៍ កាលពីថ្ងៃចន្ទថា កីឡាករកែភេទនៅចក្រភពអង់គ្លេស កំពុងពិចារណាលើបណ្តឹងរើសអើងមួយ បន្ទាប់ពីត្រូវបានបង្ខំឲ្យ ចាកចេញពីក្លិបបាល់ទាត់របស់នាង ដោយសារតែការបដិសេធ ជាបន្តបន្ទាប់ដោយក្រុមផ្សេងទៀត ក្នុងការប្រឈមមុខ នឹងនាងនៅលើទីលាន យោងតាមការចេញផ្សាយ ពីគេហទំព័រ RT ។
Francesca Needham អាយុ ៣០ ឆ្នាំបានប្រកាស ក្នុងសេចក្តីថ្លែងការណ៍នៅលើ Facebook ថា ការសម្រេចចិត្តនេះ ស្ថិតនៅក្រោមផលប្រយោជន៍ ដ៏ល្អបំផុតរបស់ក្លិបរបស់ខ្ញុំ និងមិត្តរួមក្រុមរបស់ខ្ញុំ ។ សេចក្តីថ្លែងការណ៍ របស់នាងត្រូវបានចែករម្លែកនៅលើទំព័រ Facebook របស់ Sheffield និង Hallamshire FCមានមូលដ្ឋាននៅជិត Doncaster រដ្ឋ South Yorkshire និងដកស្រង់ដោយសារព័ត៌មានក្នុងស្រុក។
ដោយហៅការធ្វើពហិកា ជាក់ស្តែងថា ជាកាលៈទេសៈអកុសល ដោយនាង Needham បានបន្តថានាងអាចបន្តករណីរើសអើង ដូចដែលខ្ញុំជឿថា វាតំណាង ឲ្យការរំលោភ លើក្រមសីលធម៌ទាក់ទងនឹងភាពចម្រុះ និងការរួមបញ្ចូល ។ សារនោះបានសរសេរថា ខ្ញុំសង្ឃឹមដោយស្មោះថា បញ្ហានៃ ការរើសអើង ដែលយល់ ឃើញមកលើខ្ញុំនេះ អាចត្រូវបាន ដោះស្រាយដោយសន្តិវិធី និងឆាប់រហ័ស ដោយមានការគាំទ្រ យ៉ាងពេញទំហឹង ពីសមាគមបាល់ទាត់។
គោលការណ៍របស់ FA លើកីឡាករគែភេទពេញវ័យតម្រូវ ឲ្យពួកគេរក្សាកម្រិតអ័រម៉ូនតេស្តូស្តេរ៉ូនទាប។ វានិយាយថា ការទទួលយកត្រូវបាន សម្រេចចិត្តលើករណីដោយករណី។ អង្គការនេះបានប្រាប់ Sky News ទាក់ទងនឹងករណីរបស់ Needham ថា បញ្ហានេះមានភាពស្មុគ្រស្មាញ និងវិវឌ្ឍឥតឈប់ឈរ ហើយក៏ដូចជាស្ថាប័ន គ្រប់គ្រង ជាតិផ្សេងទៀត នៅក្នុងវិស័យកីឡាដែរ បច្ចុប្បន្នយើងកំពុង ពិនិត្យមើលគោលនយោបាយកែ ភេទរបស់យើងសម្រាប់កីឡាបាល់ទាត់អង់គ្លេស ដើម្បីធានាថា វាមានលក្ខណៈរួមបញ្ចូល យុត្តិធម៌ និងសុវត្ថិភាពសម្រាប់ទាំងអស់គ្នា ។
អ្នកគ្រប់គ្រងក្រុមបានពិភាក្សា អំពីភាពចម្រូងចម្រាសជាមួយកាសែត Daily Mail ក្នុងលក្ខខណ្ឌមិនបញ្ចេញឈ្មោះបាននិយាយថា FA បានអនុញ្ញាតឲ្យ នាង Needham លេងដោយមិនប្រាប់ក្រុមផ្សេងទៀត ។ នាងត្រូវបានគេធ្វើពហិការដោយសារតែមនុស្សបារម្ភពីសុវត្ថិភាពរបស់កីឡាករ ដោយបញ្ជាក់ថា ការលេងប្រឆាំងនឹងបុរសជីវសាស្ត្រ គឺជារឿងគួរឲ្យខ្លាច សម្រាប់ពួកគេ ៕
ដោយ៖លី ភីលីព
