The Goal នៅថ្ងៃនេះ បានសរសេរថា ក្លឹបបិសាចក្រហម Man UTD ដែលកំពុងមានទំរង់លេងធ្លាក់ខ្លាំង នោះបានបង្ហើប នូវផែនការដ៏ធំមួយ ក្នុងការនាំយកកីឡាករ ឆ្នើមប្រេស៊ីលម្នាក់មករួមក្លឹប ។
ទោះបីជាមិនទាន់ការ ប្រកាសជាផ្លូវការ ពីក្លឹបយ៉ាងណាក្តីប៉ុន្តែប្រភពដដែល បានអះអាងថាក្លឹបអង់គ្លេសនេះបានត្រៀម កញ្ចប់លុយប្រមាណ ទៅដល់១៣០ លានផោន ដើម្បីសុំសាកចរចា ជាមួយនឹងក្លឹប Real Madrid ដើម្បីអាចពិនិត្យមើលលទ្ធភាព ក្នុងការផ្ទេរកីឡាករ Vinicius Jr.។
ទោះបីជាយ៉ាងណា ក្តីប្រភព ដដែលបានសរសេរទៀតថា ក្លឹបយក្សអេស្បាញនេះក៏មានបំណង ចង់លក់កីឡាកររូប នេះផងដែរ ប្រសិនបើតម្លៃត្រូវរ៉ូវគ្នា ពីព្រោះថា គេនឹងអាចប្រើលុយទាំងនោះ ទៅទិញកីឡាករឆ្នើមបារាំង Kyliam Mbappe ជំនួសវិញ៕
ប្រែសម្រួល៖ស៊ុនលី
