អមេរិក ៖ មហាសេដ្ឋីបច្ចេកវិទ្យាទាំង ៥ រូបចូលចិត្តលេងកីឡាខុសៗគ្នា ទៅតាមចំណង់ចំណូលចិត្តរៀងៗខ្លួន ដូចជាលោក Elon Musk បានស្វែងយល់ ពីសិល្បៈក្បាច់គុន និងចំបាប់ផ្សេងៗ ខណៈលោក Jeff Bezos ចូលចិត្តសកម្មភាពផ្សង ព្រេងដូចជា មុជទឹក និងឡើងភ្នំជាដើម ។
តាមរាយការណ៍ដោយ Business Insider បានឲ្យដឹងថា នាយកប្រតិបត្តិក្រុមហ៊ុន Tesla បានស្វែងយល់ពីក្បាច់គុនផ្សេងៗគ្នា ដូចជាការ៉ាតេ និងយូដូ ។ ទ្រព្យសម្បត្តិសុទ្ធរបស់លោក Musk ត្រូវបានប៉ាន់ប្រមាណថា មានចំនួន ១៩៧ពាន់លានដុល្លារអាមេរិក ។
លោក Jeff Bezos អាយុ ៦០ ឆ្នាំ៖ ស្ថាបនិកក្រុមហ៊ុន Amazon ល្បីល្បាញសម្រាប់ការស្វែង រកភាពរំភើបចូលរួមក្នុងសកម្មភាព ចម្រុះដូចជា ការជិះសេះ ការមុជទឹក ការឡើងភ្នំ និងការរុករករូងភ្នំ ។ លោកបានចូលរួមកីឡាប្រពៃណី ដោយប្រកួតជាមួយសហស្ថាបនិក ក្រុមហ៊ុន Microsoft លោក Bill Gates នៃការប្រកួតកីឡាវាយកូនបាល់ ដ៏ល្បីល្បាញឆ្នាំ ២០០១ ។ លោក Bezos បានបង្ហាញពីកីឡាលោកចូលចិត្ត គឺបាល់ទាត់ ជាកីឡាដែលលោក បានលេងក្នុងវ័យកុមារភាព។ ទ្រព្យសម្បត្តិសុទ្ធ របស់លោកមានចំនួន ១៩៥.៤ ពាន់លានដុល្លារ ។
លោក Mark Zuckerberg អាយុ ៣៩ ឆ្នាំ៖ស្ថាបនិក Facebook និង Meta រូបនេះ តែងតែបង្ហោះរូបថត របស់លោកពីសកម្មភាព ចូលរួមក្នុងកីឡាផ្សេងៗ រួមទាំងកីឡាគុនដាវ កីឡាជីជឺតស៊ូ របស់ប្រេស៊ីល និង សិល្បៈក្បាច់គុនចម្រុះ នៅលើប្រព័ន្ធផ្សព្វផ្សាយសង្គម ។ លោក Zuckerberg ចូលចិត្តលេងកីឡា រៀងរាល់ព្រឹកមុនពេលចាប់ផ្តើមការងារ ជាយន្តការដោះស្រាយ ។ បច្ចុប្បន្ន Zuckerberg មានទ្រព្យសម្បត្តិសរុប ១៧៩.៥ ពាន់លានដុល្លារ ។
លោក Larry Ellison អាយុ ៧៩ ឆ្នាំ ៖ ស្ថាបនិករបស់ Oracle លោកមានចំណង់ចំណូលចិត្ត កីឡាទូកក្តោង ដែលមានការប្រកួតប្រជែង ដោយលោកបានទទួលជ័យជម្នះ នៃការប្រកួត Maxi World Championships ចំនួន៥លើក ។ ក្នុងឆ្នាំ ២០១៨ លោកបានបង្កើតសហស្ថាបនិក SailGP ជាលីកទូកក្តោង ដែលគេតែងតែហៅថា Formula One of sailing។ ទ្រព្យសម្បត្តិសុទ្ធរបស់លោក Ellison ប្រហែល ១៤១.៩ ពាន់លានដុល្លារ។
លោក Bill Gates អាយុ ៦៨ឆ្នាំ៖ វាមិនមែនជារឿងអាថ៌កំបាំងទេ ដែលលោក Bill Gates មានចំណង់ចំណូលចិត្តចំពោះកីឡាវាយកូនបាល់។ លោកបានសហការជាមួយនឹងកីឡាករវាយកូនបាល់ Roger Federerការប្រកួតរៃអង្គាសប្រាក់ សប្បុរសធម៌ជាច្រើនក្នុងឆ្នាំ ២០១៧ ,២០១៨ និង២០២០ ។
កាលពីសប្តាហ៍មុន លោកក៏ត្រូវបានគេប្រទះឃើញលេងវាយកូនបាល់ជាមួយមិត្តស្រីនៅរមណីយដ្ឋានលំដាប់ផ្កាយ ៦ នៅលើឧបទ្វីប Son Tra ក្នុងទីក្រុង Da Nang។ បន្ថែមពីលើនេះ មហាសេដ្ឋីរូបនេះបាននិយាយថា លោកបានលេងបាល់បោះរយៈពេល ៥០ ឆ្នាំមកហើយ។ ទ្រព្យសម្បត្តិសុទ្ធរបស់ លោក Gates ត្រូវបានគេប៉ាន់ស្មានថាមានចំនួន ១២៧.៩ ពាន់លានដុល្លារ៕
ដោយ៖លី ភីលីព
