ក្នុងស្ថានភាពដែលក្លឹបតោខៀវ Chelsea បច្ចុប្បន្នធ្លាក់ទំរង់ខ្លាំងជាពិសេស តំបន់បម្រើកណ្តាល ខណៈដែលកីឡាករ ដែលមានវ័យចំណាស់បំផុត ក្នុងតំបន់នេះបច្ចុប្បន្ន មានដូចជា Enzo Fernandez និង Conor Gallagher ដែលមានវ័យ ទើបតែ២៣និង២៤ឆ្នាំប៉ុណ្ណោះ។
អតីតកីឡាកររបស់ក្លឹប Joe Cole បានពន្យល់ទៅកាន់តែ The Goal ថា Chelsea គួរពិចារណា Modric និង Kroos ដែលជិតអស់សុពលភាពជាមួយ នឹង Real Madrid ហើយនៅរដូវកាលនេះពីព្រោះថា អ្វីដែលយើងបានឃើញពួកគេ ទោះមានវ័យ៣៦ និង៣៤ឆ្នាំ ក៏ពិតមែន ប៉ុន្តែនៅមានទំរង់ លេងល្អ និងជាពិសេស ជួយផ្តល់បទពិសោធ នេះធ្វើឲ្យកីឡាករ វ័យក្មេងនៅ Real Madrid មានការកើនឡើងសមត្ថភាពខ្លាំងខុសពីមុន។
គួរឲ្យដឹងដែរថាក្នុងក្រុម របស់ Chelsea បច្ចុប្បន្នកីឡាករ ដែលមានវ័យចាស់ ជាងគេគឺ Thiago Silva ដែលមានអាយុ៣៩ឆ្នាំម្នាក់ ប៉ុណ្ណោះហើយក្រៅពីនោះសុទ្ធតែភាគ ច្រើនខ្ទង់ ២០ទាំងអស់៕
ប្រែសម្រួល៖ស៊ុនលី
