ក្លឹប Inter Milan មានបំណងចង់បន្តកុងត្រាថ្មីជាមួយ លោក Simone Inzaghi ដែលជាគ្រូបង្គោលក្លឹបនេះផ្ទាល់ឲ្យបន្តដឹកនាំរយៈពេលវែង។ នេះបើយោងតាមការលើកឡើងរបស់ លោក Giuseppe Marotta នាយកប្រតិបត្តិក្លឹបអ៊ីតាលីនេះ។
លោក Morotta បាននិយាយថា៖” ក្លឹបយើងមានគម្រោង ចង់បន្តកុងត្រាថ្មីជាមួយនឹង Simone Inzaghi ដោយការចរចានឹងធ្វើឡើងនៅប៉ុន្មានថ្ងៃខាងមុខនេះ ។ យើងមានការសប្បាយចិត្ត នឹងនឹងការដឹកនាំរបស់គេមែនទែន “។
បើតាមសារព័ត៌មានជាច្រើន បានឲ្យដឹងថា Inter Milan ចង់កុងត្រាជាមួយលោក Inzaghi រហូតដល់ឆ្នាំ២០២៧ ខណៈកុងត្រារបស់លោកនឹងបញ្ចប់ជាមួយក្លឹបនេះនៅថ្ងៃទី៣០ ខែមិថុនា ឆ្នាំ២០២៥។
លោក Inzaghi ក៏ត្រូវបានគេដឹងថា មានបំណងចង់បន្តកុងត្រាថ្មី និងចង់នៅបន្តជាមួយ Inter Milan ផងដែរ។ លោកបានមកដឹកនាំក្លឹបនេះតាំងពីឆ្នាំ២០២១ មកដោយធ្លាប់ឈ្នះពាន Serie A ក្នុងរដូវកាលនេះ, ពាន Super Cup ៣រដូវកាលជាប់គ្នា និងពាន Cup ចំនួន២រដូវកាល ៕
