យោងតាមការចេញផ្សាយរបស់ The Goal បានឲ្យដឹងថាគិតមកទល់ពេលនេះក្លឹបយក្សបារាំង PSG នៅមិនទាន់បានបើកប្រាក់ខែឲ្យកីឡាករ Kylian Mbappe ឡើយទាំងខែមេសាឧសភានិងមិថុនានេះ។
តាមកុងត្រា Mbappe នឹងត្រូវផុតកំណត់ ជាមួយនឹងក្លឹប PSG នៅត្រឹមថ្ងៃទី៣០ ខែមិថុនានេះហើយ ដែលទំហំទឹកប្រាក់ ដែលត្រូវទូទាត់នោះគឺ មានប្រមាណជា១០០លានអឺរ៉ូឬត្រូវជា៨៤លានផោនប៉ុន្តែជឿជាក់ថាក្លឹប PSG ហាក់មិនមានបំណងក្នុងការទូទាត់សងកីឡាករនោះឡើយ។
ទំនាក់ទំនងរវាងក្លឹប PSG និង កីឡាករ Mbappe បានជួបបញ្ហារកាំរកូសខ្លាំងមែនទែន ក្នុងរដូវកាលចាស់កន្លងមក ដោយកីឡាករបដិសេធមិនបានចុះកុងត្រាថ្មីផង និងការបង្ហាញអារម្មណ៍មិនសូវចង់បន្តលេងឲ្យក្លឹបផង ហើយចុងក្រោយបែរជាត្រឹមបានចាកចេញ ពីក្លឹបនេះដោយគ្មានតម្លៃខ្លួនទៅវិញ ៕
ប្រែសម្រួល៖ស៊ុនលី
