គិតត្រឹមថ្ងៃទី១២ ខែវិច្ឆិកា ឆ្នាំ២០២៤ ខ្សែប្រយុទ្ធ Vinicius JR របស់ Real Madrid កំពុងតែស្ថិតនៅលើគេដោយមាន ៤៦គ្រាប់+ Assists ក្នុងចំណោម៤៣ប្រកួតនៃអ្នករកគ្រាប់បាល់ រួមទាំង Assists នៃលីគកំពូលទាំង៣នៅតំបន់អឺរ៉ុបនៅគ្រប់ការប្រកួតសម្រាប់រដូវកាល២០២៤។
អ្នកទី២គឺកីឡាករ Robert Lewandowski របស់ Barcelona កំពុងតែកាន់កាប់ ៤២គ្រាប់+ Assists ក្នុងចំណោម៤៥ប្រកួត អ្នកទី៣គឺ Cole Palmer របស់តោខៀវ Chelsea ដែលមាន៣៨គ្រាប់+ Assists ក្នុងចំណោម៤៩ប្រកួត ។ ចំណែកអ្នកទី៤គឺ Haaland របស់មេឃខៀវ Manchester City ដែលមាន៣៥គ្រាប់+ Assists ក្នុងចំណោម៣៩ប្រកួត។
ស្របពេលអ្នកទី៥គឺ Salah កំពុងតែកាន់កាប់៣៥ គ្រាប់+ Assists ក្នុងចំណោម៣៥ ប្រកួត។ ក្នុងសប្ដាហ៍នេះលីគធំនៅតំបន់អឺរ៉ុប នឹងធ្វើការសម្រាកសិនដើម្បីឲ្យកីឡាករទាំងអស់ បានចូលរួមការប្រកួត របស់ជម្រើសជាតិរហូតដល់សប្ដាហ៍ក្រោយឬចាប់ពីថ្ងៃទី២២ខែវិច្ឆិកា ឆ្នាំ២០២៤ តទៅទើបមានការ ប្រកួតលីគឡើងវិញ៕
