ប៉េកាំង៖ ប្រទេសចិន មានគោលបំណង ដើម្បីពង្រីកសេដ្ឋកិច្ចរបស់ខ្លួនឱ្យបានជាង ៦ ភាគរយនៅឆ្នាំ ២០២១ ដោយផ្អែកលើភាពជោគជ័យមួយដែលមាននៅក្នុងក្របខណ្ឌជំងឺកូវីដ-១៩ ខណៈសមាជិកសភាបានប្រមូលផ្តុំគ្នានៅទីក្រុងប៉េកាំងដើម្បីគូសបញ្ជាក់អំពីអាទិភាព សម្រាប់ការអភិវឌ្ឍដែលមានគុណភាពខ្ពស់។
គោលដៅផលិតផលក្នុងស្រុកសរុប គឺជាគោលដៅសំខាន់មួយក្នុងចំណោមគោលដៅសំខាន់ៗជាច្រើនដែលត្រូវបានដាក់ចេញនៅក្នុងរបាយការណ៍ការងាររបស់រដ្ឋាភិបាល ដែលបានផ្តល់ដោយនាយករដ្ឋមន្រ្តីលោក Li Keqiang ទៅកាន់អង្គនីតិបញ្ញត្តិជាតិ ដែលបានចាប់ផ្តើមសម័យប្រជុំប្រចាំឆ្នាំកាលពីថ្ងៃសុក្រ។
លោកលី បានលើកឡើងថា “នៅក្នុងការកំណត់គោលដៅនេះ យើងបានគិតគូរពីការងើបឡើងវិញនៃសកម្មភាពសេដ្ឋកិច្ច” គោលដៅលើសពី ៦ ភាគរយនឹងជួយយើងទាំងអស់គ្នា លះបង់ថាមពលពេញលេញ ដើម្បីជំរុញការកែទម្រង់ ការច្នៃប្រឌិត និងការអភិវឌ្ឍប្រកបដោយគុណភាពខ្ពស់។
នៅឆ្នាំនេះប្រទេសនេះមានគោលបំណងបង្កើតការងារទីក្រុងថ្មីជាង ១១ លានកន្លែង កាត់បន្ថយអនុបាតឱនភាពទៅនឹង ៣,២ ភាគរយ និងពង្រីកតម្រូវការក្នុងស្រុក និងការវិនិយោគប្រកបដោយប្រសិទ្ធភាព ដែលត្រូវបានគេរំពឹងថា នឹងធ្វើឱ្យសេដ្ឋកិច្ចរឹងមាំទៅរកភាពរស់រវើកមុនពេលជមងឺរាតត្បាត ដោយក្នុងនោះអត្រាកំណើនផលិតផលក្នុងស្រុកសរុបរបស់ចិនមាន ៦ ភាគរយនៅឆ្នាំ ២០១៩ ។
នៅឆ្នាំ ២០២១ ប្រទេសចិន នឹងបន្តការអភិវឌ្ឍដែលមានគុណភាពខ្ពស់ការធ្វើកំណែទម្រង់រចនាសម្ព័ន្ធផ្នែកផ្គត់ផ្គង់ជាមុន និងពង្រឹងនិងពង្រីកសមិទ្ធិផលនៃការឆ្លើយតបជំងឺកូវីដ-១៩ និងការអភិវឌ្ឍសេដ្ឋកិច្ច និងសង្គមក្នុងចំណោមការងារសំខាន់ៗដទៃទៀត ដែលបានលើកឡើងនៅក្នុងរបាយការណ៍។
លោកលី បានឲ្យដឹងនៅក្នុងរបាយការណ៍នេះថា “កិច្ចខិតខំប្រឹងប្រែងទាំងនេះនឹងជួយឱ្យយើងឈានទៅរកការចាប់ផ្តើមដ៏ល្អមួយនៅក្នុងផែនការ ៥ ឆ្នាំ លើកទី ១៤ (២០២១-២០២៥) និងរំលឹកខួបនៃបក្សកុម្មុយនីស្តចិន ជាមួយនឹងសមិទ្ធិផលលេចធ្លោក្នុងការអភិវឌ្ឍ”៕ដោយ ឈូក បូរ៉ា
