សេនហ្វ្រេនស៊ីស្កូ៖ ក្រុមហ៊ុនបណ្តាញ ផ្សព្វផ្សាយសង្គមយក្សអាមេរិក Twitter បានចាប់ផ្តើមអនុញ្ញាត ឲ្យអ្នកប្រើប្រាស់មួយចំនួន បន្ថែមមុខងារ “Tip Jar” នៅក្នុងគណនី ដូច្នេះមនុស្សអាចគាំទ្រ Tweeter របស់ពួកគេ ដោយបោះចោលពាក្យ “money” លុយយោងតាមការចេញផ្សាយ ពីគេហទំព័រជប៉ុនធូដេ។
បើយោងតាមលោកស្រី Esther Crawford អ្នកគ្រប់គ្រងផលិតផលជាន់ខ្ពស់ របស់ Twitterបាននិយាយថា ចំនួនអ្នកប្រើប្រាស់ មានកំណត់នៅជុំវិញពិភពលោក ដែលសរសេរជាភាសាអង់គ្លេស អាចបន្ថែមមុខងារ “Tip Jar” ទៅក្នុងប្រវត្តិរូបរបស់ពួកគេ ។ ក្រុមនេះរួមមានអ្នកច្នៃប្រឌិត អ្នកសារព័ត៌មាន អ្នកជំនាញ និងមិនរកប្រាក់ចំណេញ។
លោកស្រី Crawford បានសរសេរនៅក្នុងប្លុកថា អ្នកជំរុញការសន្ទនានៅលើ Twitter ហើយយើងចង់ធ្វើឲ្យវាកាន់តែងាយស្រួល សម្រាប់អ្នកគាំទ្រគ្នា ទៅវិញទៅមក លើសពី Follows, Retweets និង Likes” ។ នេះជាជំហានដំបូង ក្នុងការងាររបស់យើង ដើម្បីបង្កើតវិធីថ្មីៗ សម្រាប់អ្នកប្រើប្រាស់ដើម្បីទទួល និងបង្ហាញការគាំទ្រ នៅលើ Twitter ជាមួយនឹង Money។
រូប “Tip Jar” នៅលើទំព័រព័ត៌មានបង្ហាញ ពីជម្រើសមួយត្រូវយកទៅសេវាកម្ម ដូចជា Patreon និងPayPal ឬ Venmo ដើម្បីផ្ញើប្រាក់ទៅអ្នកបង្កើត។ លោកស្រីបានបន្ថែថា ឆាប់ៗនេះអ្នកប្រើប្រាស់ កាន់តែច្រើននឹងអាចបន្ថែម “Tip Jar” ទៅទម្រង់របស់ពួកគេ ហើយយើងនឹងពង្រីក ទៅជាភាសាជាច្រើនទៀត ។
វេទិកាផ្ញើសារទូទាំងពិភពលោក ពីមួយទៅច្រើន គឺចង់ពង្រីកចំនួនអ្នកប្រើប្រាស់របស់ខ្លួន និងធ្វើឲ្យមនុស្ស ចំណាយពេលវេលា កាន់តែច្រើននៅសេវាកម្ម។ Twitter កាលពីសប្តាហ៍មុន បានរាយការណ៍ អំពីប្រាក់ចំណូលទាប ជាងការរំពឹងទុក និងកំណើនអ្នកប្រើប្រាស់ គួរឲ្យខកចិត្ត៕ ដោយ៖លី ភីលីព
