លេចធ្លាយរូបភាពថ្មី នៃឧបករណ៍ ដែលត្រូវបាន គេអះអាងថា ជាទូរស័ព្ទ iPhone 13 បានបង្ហាញកាមេរ៉ាធំជាងមុន ជាមួយនឹងកញ្ចក់ ដែលដាក់តាមអង្កត់ទ្រូង ដែលអនុញ្ញាត ឲ្យអ្នកប្រើប្រាស់ ថតរូបបានកាន់ តែធំទូលាយ និងពង្រីករូបភាព នេះបើយោងតាមការចេញ ផ្សាយពីគេហទំព័រឌៀលីម៉ែល ។
រូបភាពនៃទូរស័ព្ទត្រូវ បានគេបង្ហោះនៅលើបណ្តាញទំនាក់ទំនង សង្គមចិន Weibo ហើយម៉ូដែលមួយក្នុង ចំណោមម៉ូ ដែលមិនមែនជាហ្វាយ មានកញ្ចក់អង្កត់ទ្រូង បានពិភាក្សាច្រើន ចំណែកម៉ូដែលមុនៗ ត្រូវបានគេរៀបចំបញ្ឈរ ។ ការអះអាងផ្សេងទៀត អំពីការចេញលក់ នាពេលខាងមុខនេះ រំពឹងថា នឹងមាននៅរដូវស្លឹកឈើជ្រុះរួមមាន កាមេរ៉ាធំជាងមុនបន្តិច ពង្រីកទូរស័ព្ទទំហំ ២,៥ ដង និងពង្រីកកញ្ចក់កែវថតធំទូលាយ ។
MacRumors បានរាយការណ៍ថា កាមេរ៉ារបស់ទូរស័ព្ទ iPhone 13 នឹងមានកម្រិត F ១.៨ ជម្រៅទាបជាង F ២.៤ នៅលើ iPhone 12 ។ ជមរៅទាបមានន័យថា ពន្លឺចូលកាន់តែច្រើន ដែលបង្កើត ឲ្យមានរូបភាព ថាមវន្ត និងជម្រៅនៃវាល វាក៏មានប្រយោជន៍ សម្រាប់ការថតនៅក្រោមពន្លឺទាប ដូចជានៅពេលយប់ ។
គេហទំព័រនេះបាននិយាយថា ការកែលម្អនេះអាចកើត មានលើម៉ូដែលលេចធ្លោ ទាំង៤គឺ iPhone 13, iPhone 13 Mini, iPhone 13 Pro និង iPhone 13 Pro Max ។ យោងតាម Tom’s Guide ថាកញ្ចក់ក៏នឹងរួមបញ្ចូលការផ្តោតអារម្មណ៍ ដោយស្វ័យប្រវត្តិ និងស្ថេរភាពរូបភាព អុបទិក (OIS) ដែលជួយប្រឆាំង នឹងភាពរង្គោះរង្គើ ។
ការផ្លាស់ប្តូរឧបករណ៍ចាប់ សញ្ញា OIS បានចាប់ផ្តើមជាមួយកែវពង្រីករបស់ទូរស័ព្ទ iPhone 12 Pro Max ប៉ុន្តែជាមួយនឹងទូរស័ព្ទ iPhone 13 Pro ឬ Pro Max ការផ្លាស់ប្តូរឧបករណ៍ ចាប់សញ្ញា OIS នឹងមាន នៅលើកញ្ចក់ធំទូលាយ និងធំបំផុត។ វាមិនច្បាស់ទេថាតើបច្ចេកវិទ្យា តែមួយនឹងប៉ះកាមេរ៉ាមុខ នោះទេ ៕ដោយ៖លី ភីលីព
