ប៉េកាំង៖យោងទៅតាមអ្នកអភិវឌ្ឍន៍របស់ខ្លួន គឺបណ្ឌិត្យសភាវិទ្យាសាស្ត្រចិន (CAS)បាននិយាយថា ផ្កាយរណបវិទ្យាសាស្ត្រផែនដី ដែលទើបនឹងបង្ហោះនាពេលថ្មីៗនេះរបស់ប្រទេសចិន បានបញ្ជូនត្រឡប់មកវិញនូវរូបភាពចាប់សញ្ញាពីចម្ងាយដំបូងរបស់ខ្លួន យោងតាមការចេញផ្សាយពីគេហទំព័រឆៃណាឌៀលី។
ដោយប្រើអ៊ីនហ្វ្រារ៉េដកម្ដៅ កម្រិតពន្លឺទាប និងរូបភាពពហុវិស័យ ផ្កាយរណបបានចាប់យករូបភាពនៃទីក្រុង និងតំបន់ជាច្រើន រួមមានទីក្រុងប៉េកាំង សៀងហៃ ដីសណ្ដទន្លេ Yangtze បឹង Namtso នៅទីបេ ខេត្ត Aksu ក្នុង Xinjiang និងប៉ារីស ប្រទេសបារាំង។ ផ្កាយរណប SDGSAT-1 ជាផ្កាយរណបវិទ្យាសាស្រ្តអវកាសដំបូងគេរបស់ពិភពលោកដែលទុកសម្រាប់ការបម្រើរបៀបវារៈឆ្នាំ ២0៣0 របស់អង្គការសហប្រជាជាតិសម្រាប់ការអភិវឌ្ឍន៍ប្រកបដោយចីរភាព។
យោងតាម CAS បាននិយយាថា វាត្រូវបានបង្កើតឡើងដើម្បីផ្តល់នូវទិន្នន័យអង្កេតអវកាសសម្រាប់ការត្រួតពិនិត្យ ការវាយតម្លៃ និងការសិក្សាអំពីអន្តរកម្មរវាងមនុស្ស ធម្មជាតិ និងការអភិវឌ្ឍន៍ប្រកបដោយនិរន្តរភាព ។ រូបភាពកម្រិតពន្លឺទាបអាចឆ្លុះបញ្ចាំងពីកម្រិតនៃការអភិវឌ្ឍន៍សង្គម និងសេដ្ឋកិច្ចនៅក្នុងតំបន់មួយ និងគំរូនៃការតាំងទីលំនៅរបស់មនុស្ស ដោយរកឃើញអាំងតង់ស៊ីតេ និងការចែកចាយពន្លឺពេលយប់។
អ្នកបង្កើតរូបភាពចម្រុះអាចតាមដានសន្ទស្សន៍ពណ៌ទឹក និងតម្លាភាពនៃផ្ទៃទឹកដែលមានភាពច្របូកច្របល់ផ្សេងៗ ហើយទិន្នន័យចម្រុះអាចត្រូវបានប្រើដើម្បីវិភាគការផ្លាស់ប្តូរផ្ទាំងទឹកកក ការរលាយព្រិល និងការគ្របដណ្តប់លើបន្លែ។ រូបភាពអ៊ីនហ្វ្រារ៉េដកម្ដៅអាចស្ទាបស្ទង់ការប្រែប្រួលនៃផ្ទៃដី និងសីតុណ្ហភាពទឹក ព្រមទាំងការចែកចាយថាមពលកំដៅក្នុងទីក្រុង ដោយផ្តល់នូវទិន្នន័យមូលដ្ឋានសម្រាប់ការដាំដុះដំណាំ ការគ្រប់គ្រងសត្វល្អិត និងការគ្រប់គ្រងជំងឺ៕ដោយ៖លី ភីលីព
