បែលហ្ស៊ិក ៖ ការសិក្សាមួយបានណែនាំថា ភាគល្អិត នៃការបំពុលខ្យល់ អាចចូលទៅក្នុងសរីរាង្គ របស់ទារកនៅពេលទារក កំពុងវិវត្តន៍នៅក្នុងស្បូន អាចបំផ្លាញ ដល់ការវិវឌ្ឍន៍ យោងតាមការ ចេញផ្សាយពីគេហទំព័រស្គាយញ៉ូវ ។
អ្នកសិក្សាមកពីសាកលវិទ្យាល័យ Aberdeen និងសកលវិទ្យាល័យ Hasselt នៅប្រទេស បែលហ្ស៊ិក បានរកឃើញភស្តុតាង នៃភាគល្អិតកាបូនខ្មៅ ដែលត្រូវបានគេស្គាល់ថា ជាភាគល្អិតផេះនៅក្នុងឈាម ក្នុងទងផ្ចិត។ នោះហើយជាលទ្ធផល បង្ហាញថា ពួកគេអាចឆ្លងកាត់សុក ។
អ្នកវិទ្យាសាស្ត្របាននិយាយថា ការបំពុលបរិយាកាស ត្រូវបានផ្សារភ្ជាប់ ជាមួយនឹងការកើតមិនគ្រប់ខែ ទារកមានទម្ងន់ទាប និងការរំខាន ដល់ការអភិវឌ្ឍន៍ខួរក្បាល ។ អ្នកស្រាវជ្រាវបានព្រមានថា ការវិវឌ្ឍន៍សរីរាង្គសំខាន់ៗកើតឡើង ខណៈទារកមានការលូតលាស់ នៅក្នុងស្បូន ហើយភាគល្អិត អាចត្រូវបានគេមើលឃើញ នៅពេលត្រីមាសទី១ នៃការមានផ្ទៃពោះ ។
ការសិក្សាបាននិយាយថា ពួកគេបានពិនិត្យម្តាយ និងកូនរបស់ពួកគេចំនួន ៦០ នាក់នៅ Aberdeen និងតំបន់ Grampian នៅប្រទេសស្កុតឡែន។ ពួកគេក៏បានវិភាគសំណាកជាលិកាពីគភ៌ ៣៦ ត្រូវបានរំលូតកូនចន្លោះពី ៧ ទៅ ២០ សប្តាហ៍នៃផ្ទៃពោះ ។
ភាគល្អិតកំណកមានវត្តមាននៅក្នុងម្តាយ និងទារកទើបនឹងកើតទាំងអស់ ហើយថ្លើម សួត និងខួរក្បាល របស់ទារកដែលរំលូត កូន ចំណែកសំណាកជាលិកាទាំងអស់ បានវិភាគមានភាគល្អិតកាបូនខ្មៅ ។ កាបូនខ្មៅគឺជាភាគល្អិត និងឧស្ម័នជាច្រើនបញ្ចេញ នៅពេលប្រេងម៉ាស៊ូត ធ្យូងថ្ម និងឥន្ធនៈជីវម៉ាសផ្សេងទៀតត្រូវបានដុត ។
ចំនួនភាគល្អិតបានរកឃើញ គឺអាស្រ័យលើបរិមាណ នៃការបំពុលខ្យល់ដែលម្តាយត្រូវបានប៉ះពាល់ អំឡុងពេលមានផ្ទៃពោះ។ វាត្រូវបានគេនិយាយថា ជាលើកដំបូងនៅពេល ដែលភាគល្អិតកាបូនណាណូខ្មៅ ត្រូវបានរកឃើញនៅក្នុង ទារកដែលកំពុងអភិវឌ្ឍ ៕
