តូក្យូ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា Toyota Prius Hybrid ថ្មីនេះ មិនត្រឹមតែមានថាមពល បង្កើនល្បឿន និងការបើកបរប៉ុណ្ណោះទេ វាក៏មានភាពទាន់សម័យ ដោយបំបែកតួរាងជ្រុងដែលរឹងរូស ដើម្បីមើលទៅអនាគត ដ៏ស្រស់បំព្រង។
លោក Simon Humphries អ្នកគ្រប់គ្រងទូទៅនៃក្រុមហ៊ុន Global Toyota design បានបង្ហាញរថយន្តនៅទីក្រុងតូក្យូ និងឡូសអេនជឺលេសកាលពីថ្ងៃពុធ បានសង្កត់ធ្ងន់ថា ក្រុមហ៊ុននៅតែផ្គើន នឹងអ្នកសង្ស័យដែលបន្តសួរថា តើក្រុមហ៊ុនផលិតរថយន្តជប៉ុន នឹងនៅជាប់នឹងរថយន្តកូនកាត់ ក្នុងឧស្សាហកម្មអគ្គិសនី យ៉ាងឆាប់រហ័ស។
លោកបានប្រាប់អ្នកយកព័ត៌មានថា គ្រាន់តែដោយសារតែរថយន្ត Prius គឺជារថយន្តអេកូដែលស្ថិតក្នុងលទ្ធភាព របស់មនុស្សគ្រប់រូប។ ដើម្បីសម្រេចបាននូវអព្យាក្រឹតភាពកាបូន មនុស្សគ្រប់គ្នានៅក្នុងពិភពលោក ត្រូវតែចូលរួម ។ យើងត្រូវការដំណោះស្រាយអេកូឡូស៊ី ដែលអាចទៅដល់មនុស្សជាច្រើន ហើយវាត្រូវតែចាប់ផ្តើមពីថ្ងៃនេះ មិនមែនថ្ងៃស្អែកទេ។
បើយោងតាមក្រុមហ៊ុន Toyota Motor Corp ថា ម៉ូដែលកូនកាត់ Prius ជំនាន់ទី ៥ នឹងដាក់លក់ក្នុងរដូវរងារនេះដំបូង នៅក្នុងប្រទេសជប៉ុន បន្ទាប់មកម៉ូដែល plug-in របស់សហរដ្ឋអាមេរិក នឹងវាយលុកទីផ្សារនៅឆ្នាំក្រោយនេះ តម្លៃមិនត្រូវបានប្រកាស។
ក្រុមហ៊ុនផលិតរថយន្តបានប្តូរថ្ម nickel-metal-hydride ចាស់សម្រាប់ថ្មលីចូម-អ៊ីយ៉ុងតូចជាង និងស្រាលជាងមុ នបញ្ចេញថាមពលច្រើនជាង ១៥ភាគរយ។
លោក Stephanie Brinley អ្នកវិភាគសំខាន់ នៃក្រុមហ៊ុន S&P Global Mobility បាននិយាយថា នោះពិតជានឹងធ្វើឲ្យមានការបើកបរ ប្រកបដោយទំនុកចិត្តជាងមុន ។Prius ដាក់លក់ដំបូងកាលឆ្នាំ ១៩៩៧ ប្តូរទៅមករវាងម៉ាស៊ីនសាំង និងម៉ូទ័រអេឡិចត្រិច ដើម្បីផ្តល់នូវការបើកបរស្អាតជាងម៉ូដែល ដែលមានម៉ាស៊ីនចំហេះធម្មតា៕ ដោយ៖លី ភីលីព
