អាមេរិក ៖ នេះយោងតាមការ ចេញផ្សាយពីគេហទំព័រ MSNបានប្រាប់ឲ្យដឹងថា គណៈកម្មការទំនាក់ទំនង សហព័ន្ធរបស់សហរដ្ឋអាមេរិក កាលពីថ្ងៃអង្គារបានអះអាង សារជាថ្មីនូវការ សម្រេចចិត្ត របស់ខ្លួនកាលឆ្នាំ ២០២២ ក្នុងការបដិសេធអង្គភាព អ៊ីនធើណេត ផ្កាយរណប SpaceX Starlink ដែលមានតម្លៃ ៨៨៥.៥ លានដុល្លារសម្រាប់ការ ឧបត្ថម្ភធនអ៊ីនធើណេត តាមជនបទ។
FCC បាននិយាយថា ការសម្រេចចិត្តដែលប៉ះពាល់ ដល់ក្រុមហ៊ុន អវកាស របស់លោក Elon Musk ដោយផ្អែកលើការ បរាជ័យរបស់ Starlink ក្នុងការបំពេញតម្រូវការ កម្មវិធី ជាមូលដ្ឋាន ហើយថា Starlink មិនអាចបង្ហាញថា វាអាចផ្តល់សេវាកម្ម តាមការសន្យាបន្ទាប់ពី SpaceX បានជំទាស់ការសម្រេចចិត្តឆ្នាំ ២០២២ ។
ប្រធាន FCC លោក Jessica Rosenworcel បាននិយាយថា FCC បានអនុវត្តតាមការត្រួតពិនិត្យផ្នែកច្បាប់ បច្ចេកទេស និងគោលនយោបាយដោយប្រុងប្រយ័ត្នដើម្បីកំណត់ថា អ្នកដាក់ពាក្យសុំនេះមិនបានបំពេញ បន្ទុករបស់ខ្លួន ។
FCC បានលើកឡើងក្នុងចំណោមហេតុផលរបស់ខ្លួនដែលក្រុមហ៊ុន SpaceX បរាជ័យក្នុងការ បាញ់បង្ហោះរ៉ុក្កែត Starship របស់ខ្លួនដោយជោគជ័យ ដោយនិយាយថា “លក្ខណៈមិនច្បាស់លាស់នៃការបាញ់ បង្ហោះនាពេលអនាគតរបស់ Starship អាចប៉ះពាល់ដល់សមត្ថភាពរបស់ Starlink ដើម្បីបំពេញ” កាតព្វកិច្ចរបស់ខ្លួន ។
FCC បានលុបចោលមូលនិធិនៅខែសីហា ឆ្នាំ ២០២២ ដោយផ្អែកលើទិន្នន័យ speed-tset បន្ទាប់ពី Starlink បានយល់ព្រមផ្តល់សេវាអ៊ីនធឺណិតល្បឿនលឿនដល់ផ្ទះ និងអាជីវកម្មនៅតាមជនបទចំនួន ៦៤២ ០០០ ក្នុងរដ្ឋចំនួន ៣៥ ។
SpaceX បាននិយាយថា មានការខកចិត្តយ៉ាងខ្លាំង និង មានការងឿងឆ្ងល់ ដោយការសម្រេចចិត្តរបស់ FCC ដោយបន្ថែមថា Starlink គឺជាជម្រើសដ៏ល្អបំផុតមួយ ដែលទំនងជាជម្រើស ដ៏ល្អបំផុត ដើម្បីសម្រេចបាននូវគោល ដៅនៃកម្មវិធីអ៊ីនធើណេត នៅតាមជនបទ ៕
ដោយ៖លី ភីលីព
