រដ្ឋផ្លរីដា ៖ កាលពីថ្ងៃចន្ទ នេះបើយោងតាមការចេញ ផ្សាយព័ត៌មានពីការិយាល័យ អភិបាលបានប្រាប់ឲ្យដឹងថា អភិបាលរដ្ឋផ្លរីដា លោក Ron DeSantis បានចុះហត្ថលេខា លើច្បាប់មួយ ដែលហាមប្រាមកុមារអាយុក្រោម ១៤ ឆ្នាំ មិនឲ្យមានគណនីប្រព័ន្ធផ្សព្វផ្សាយ សង្គមផ្ទាល់ខ្លួនរបស់ពួកគេ ។
ក្មេងអាយុ ១៤ និង ១៥ ឆ្នាំ នឹងត្រូវបានអនុញ្ញាតឲ្យមានគណនី ដោយមានការយល់ព្រម ពីឪពុកម្តាយ ។
បន្ថែមពីលើការដាក់កម្រិត លើគណនីប្រព័ន្ធផ្សព្វផ្សាយសង្គម សម្រាប់កុមារ ច្បាប់ក៏ដាក់កម្រិតលើគេហទំព័រ អាសអាភាសផងដែរ។
ច្បាប់នេះត្រូវបានគេស្គាល់ថា ជា HB 3 ទាមទារការផ្ទៀងផ្ទាត់អាយុសម្រាប់អ្នក ដែលចូលមើលគេហទំព័រអាសអាភាស។ HB 3 ចូលជាធរមាននៅថ្ងៃទី១ ខែមករា ឆ្នាំ២០២៥ ។
ច្បាប់នេះធ្វើឲ្យរដ្ឋផ្លរីដា ក្លាយជារដ្ឋចុងក្រោយបង្អស់ ក្នុងការអនុម័តច្បាប់ដែលដាក់កម្រិតជនជាតិ អាមេរិកវ័យក្មេងមិនឲ្យ ចូលប្រើប្រព័ន្ធផ្សព្វផ្សាយសង្គម ហើយទំនងជានឹងអញ្ជើញបញ្ហា ប្រឈមផ្លូវច្បាប់ស្រដៀងគ្នា ទៅនឹងច្បាប់បានដាក់រួចហើយ ក្នុងផ្នែកផ្សេងទៀតនៃប្រទេស ។
រដ្ឋរួមទាំងរដ្ឋ Arkansas រដ្ឋ California រដ្ឋ Louisiana រដ្ឋ Ohio និងរដ្ឋ Utah បានជំរុញវិក័យប័ត្រស្រដៀងគ្នានេះ ដើម្បីគ្រប់គ្រងវេទិកាបច្ចេកវិទ្យា។ កាលពីខែកុម្ភៈ ចៅក្រមសហព័ន្ធ បានរារាំងច្បាប់រដ្ឋ Ohio ជាបណ្ដោះអាសន្ន ជុំវិញការព្រួយបារម្ភអំពីទំហំរបស់វា និងលទ្ធភាពដែលវាអាចរំលោភ លើសិទ្ធិធ្វើវិសោធនកម្ម លើកទីមួយ របស់ក្មេងជំទង់ក្នុងការទទួលបានព័ត៌មាន តាមអ៊ីនធើណេត។ ហើយកាលពីឆ្នាំមុន ចៅក្រមសហព័ន្ធមួយផ្សេងទៀត បានរារាំងច្បាប់របស់រដ្ឋ Arkansas ជាបណ្តោះអាសន្ន ។
លោក DeSantis បានកំណែមុន នៃច្បាប់រដ្ឋផ្លរីដាបន្ទាប់ពីនិយាយថា លោកចង់ធានាថា ច្បាប់ណាមួយផ្តល់ ឲ្យឪពុកម្តាយនូវឱកាសគ្រប់គ្រាន់ ដើម្បីចូលរួមក្នុងការសម្រេចចិត្តអំពីការ ប្រើប្រាស់ប្រព័ន្ធផ្សព្វផ្សាយ សង្គមរបស់កូនពួកគេ ៕
ដោយ៖លី ភីលីព
