អាមេរិក ៖ ក្រុមហ៊ុនបច្ចេកវិទ្យាយក្សអាមេរិក Apple បានដាក់បង្ហាញបច្ចេកវិទ្យា AI របស់ខ្លួនដែលមានឈ្មោះថា Apple Intelligence កាលពីថ្ងៃចន្ទ ដែលត្រូវបានបន្ថែម ក្នុងកម្មវិធីរបស់ខ្លួន ដោយសារតែវាមានគោល បំណងក្លាយជាមុខមាត់នៃ AI ទូទៅសម្រាប់អ្នកប្រើប្រាស់ និងទទួលបានភាពលេចធ្លោ ជាងគូប្រជែង Microsoft ។
ក្រុមហ៊ុនបាននិយាយថា បច្ចេកវិទ្យានេះនឹងផ្តល់ថាមពលដល់ឧបករណ៍ថ្មី រួមទាំងឧបករណ៍អាចបង្កើតអត្ថបទ និងរូបភាព និងមានសមត្ថភាពក្នុងការទាញយក និងវិភាគព័ត៌មាននៅទូទាំងកម្មវិធីរបស់វា ។
ក្រុមហ៊ុនរំពឹងទុកថានឹងបង្ហាញជំនួយការសំឡេង Siri ត្រូវបានកែលម្អ និងការទំនាក់ទំនងអាចធ្វើទៅបានជាមួយម្ចាស់ ChatGPT OpenAI នៅសន្និសីទ អ្នកអភិវឌ្ឍន៍ប្រចាំឆ្នាំរបស់ខ្លួន។
ក្រុមហ៊ុនបន្តថា Apple បានចាប់ផ្តើមព្រឹត្តិការណ៍នេះ ដោយផ្តល់ជូននូវព័ត៌មានលម្អិត អំពីប្រព័ន្ធប្រតិបត្តិការ ចុងក្រោយបំផុតសម្រាប់កាសស្តាប់ត្រចៀក និង iPhone Vision Pro ចម្រុះរបស់ខ្លួន។ iOS 18 ជាកម្មវិធីផ្តល់ ថាមពលដល់ ឧបករណ៍ស្មាតហ្វូនរបស់ខ្លួន ធ្វើឲ្យអេក្រង់ដើមរបស់ iPhone អាចប្ដូរតាមបំណង បានកាន់តែច្រើន និងរួមបញ្ចូល កំណែប្រសើរឡើង នៃកម្មវិធីក្នុងផ្ទះរបស់វា ។
កម្មវិធីថ្មីនេះ ក៏នឹងភ្ជាប់មកជាមួយមុខងារ “ចាក់សោកម្មវិធី”នឹងជួយមនុស្សការពារ ព័ត៌មានរសើប ហើយអ្នក ប្រើប្រាស់អាចជ្រើសរើស ចាក់សោកម្មវិធីជាក់លាក់ និងរក្សាទិន្នន័យដែលគ្រប់គ្រង យ៉ាងតឹងរ៉ឹងក្នុងប្រព័ន្ធប្រតិបត្តិការ។
ក្រុមហ៊ុន Apple បានបន្ថែមថា ខ្លួននឹងដាក់ជាក្រុមសារ លើកម្មវិធីអ៊ីម៉ែលរបស់ខ្លួនចាប់ពីចុងឆ្នាំនេះ ដោយចាត់ថ្នាក់ ពួកវាក្នុងថតឯកសារចម្បង ថតប្រតិបត្តិការ ថតផ្សព្វផ្សាយ និង ការដាក់ជាក្រុម ជាក់លាក់ផ្សេងទៀត ដូចជាទំនាក់ទំនង ដោយក្រុមហ៊ុនអាកាសចរណ៍ ។ ការចាត់ថ្នាក់កម្រិតខ្ពស់គឺស្រដៀងគ្នាទៅនឹងមុខងារចាស់នៅលើ Gmail របស់ Google ជាគូប្រជែង ។
ក្រុមហ៊ុន Apple បានបញ្ជាក់ថា ខ្លួននឹងធ្វើកឲ្យកាសស្តាប់ត្រចៀកចម្រុះ Vision Pro របស់ខ្លួនមានលក់នៅប្រទេសចំនួន ៨ បន្ថែមទៀត រួមទាំងប្រទេសចិន និងជប៉ុនផងដែរ។ កម្មវិធី VisionOS 2 ថ្មីសម្រាប់កាសស្តាប់ត្រចៀកនឹងប្រើ Machine Learning ដើម្បីបង្កើតរូបភាព ជម្រៅធម្មជាតិ និងភ្ជាប់មកជាមួយកាយវិការថ្មី ៕
ដោយ៖លី ភីលីព
