លោក Jose Mourinho អ្នកចាត់ការក្លឹប Tottenham Hotspur បាននិយាយប្រាប់សន្និសីទសារព័ត៌មានថា ខ្លួនមិនមែនជាសត្រូវរបស់ក្លឹប Manchester United ទេ។
លោកបានលើកឡើងថា៖ ” ខ្ញុំមិនមែនជាសត្រូវរបស់ Manchester United ទេ ” ។ លោក Jose បានឆ្លើយតបទៅនឹងសំណួរ ដែលសួររឿងទំនាក់ទំនងរបស់លោកនឹងអ្នកគាំទ្រក្លឹបបិសាចក្រហម។
លោកបានបន្តថា៖ ” ខ្ញុំជាគ្រូបង្វឹក ដែលព្យាយាមដឹកនាំក្លឹប Manchester United ឲ្យឈ្នះការប្រកួត ហើយ Ole ក៏ដូចគ្នាដែរ។ ប្រាកដណាស់ អ្នកគាំទ្រ Manchester Unitedប្រាកដជាគាំទ្រ Ole មិនមែនខ្ញុំទេ។
[…] លោកបានបន្ថែមទៀតថា៖ ” ខ្ញុំមានទំនាក់ទំនងល្អណាស់ ជាមួយអ្នកគាំទ្រក្លឹបនេះ។ ខ្ញុំធ្លាប់ត្រូវបានគេទទួលយ៉ាងរាក់ទាក់ ពេលខ្ញុំនៅជាអ្នកវិភាគបាល់ទាត់។ តែស្អែកនេះ ខ្ញុំត្រលប់ទៅវិញជាគ្រូបង្វឹក នៃក្លឹបដែលចង់យកឈ្នះ Manchester United ” ។
ក្លឹប Tottenham Hotspur នឹងត្រូវទៅសួរសុខទុក្ខ Manchester United ដល់កីឡដ្ឋាន Old Trafford នៅយប់ថ្ងៃពុធស្អែក ម៉ោង ២.៣០យប់រំលងអធ្រាត្រ (ម៉ោងនៅកម្ពុជា)៕
ប្រភព៖ news.sabay.com.kh
