សង្គ្រាមអ៊ុយក្រែន៖ ក្រុមហ៊ុនប្រព័ន្ធផ្សព្វផ្សាយ សង្គមស្នើឲ្យរក្សាទុកភស្តុតាង នៃឧក្រិដ្ឋកម្មសង្គ្រាម

អ៊ុយក្រែន៖ យោងតាមការចេញផ្សាយ ពីគេហទំព័រស្គាយញ៉ូវបានប្រាប់ឲ្យដឹងថា ក្រុមហ៊ុនប្រព័ន្ធផ្សព្វផ្សាយសង្គមយក្សអាមេរិក Meta, TikTok, Twitter និង YouTube បានទទួលការជូនដំណឹង ពីអ្នកនយោបាយអាមេរិក សុំឲ្យពួកគេរក្សាមាតិកាដែលអាចប្រើដើម្បី កាត់ទោសឧក្រិដ្ឋជនសង្គ្រាម។

អ្នកនយោបាយអាមេរិក បានសរសេរទៅកាន់ប្រធាននៃក្រុមហ៊ុន Meta, TikTok, Twitter និង YouTube ដើម្បីស្នើសុំឲ្យក្រុមហ៊ុនរក្សាទុកមាតិកា រួមបញ្ចូលភស្តុតាងសក្តានុពលនៃឧក្រិដ្ឋកម្មសង្គ្រាមរុស្ស៊ីនៅអ៊ុយក្រែន។ លិខិតទាំងនោះត្រូវបានផ្ញើដោយសមាជិកជាន់ខ្ពស់ គណបក្សប្រជាធិបតេយ្យចំនួន៤នាក់ ជាប្រធានគណៈកម្មាធិការ ដ៏មានឥទ្ធិពលក្នុងសភាតំណាងទាក់ទងនឹងការត្រួតពិនិត្យកិច្ចការបរទេស និងសន្តិសុខជាតិ។

ថ្វីត្បិតតែអក្សរទាំងនោះមិនស្មើនឹង ការចងច្បាប់ក៏ដោយ ពួកគេត្រូវបានគាំទ្រដោយអំណាច នយោបាយដ៏សន្ធឹកសន្ធាប់ ហើយមកនៅពេលវេទិកានេះប្រឈមមុខ នឹងសម្ពាធជាច្រើនទាក់ទងនឹងបញ្ហាសុវត្ថិភាពអនឡាញ។ សំបុត្រមួយក្នុងចំណោមសំបុត្របានឃើញដោយ NBC News ផ្ញើទៅកាន់ Mark Zuckerberg ចែងថា យើងសរសេរដើម្បីលើកទឹកចិត្ត Meta ឲ្យចាត់វិធានការដើម្បីរក្សា និងរក្សាទុកមាតិកាដែលបានចែករម្លែកនៅលើវេទិការបស់ខ្លួន អាចប្រើជាភស្តុតាង។

ក្រុមហ៊ុនបន្ថែមថា នេះនឹងជួយរដ្ឋាភិបាលសហរដ្ឋអាមេរិក និងអ្នកឃ្លាំមើលសិទ្ធិមនុស្ស និងការទទួលខុសត្រូវអន្តរជាតិស៊ើបអង្កេតឧក្រិដ្ឋកម្មសង្គ្រាមរុស្ស៊ី ឧក្រិដ្ឋកម្មប្រឆាំងមនុស្សជាតិ និងអំពើឃោរឃៅផ្សេងទៀត នៅក្នុងអ៊ុយក្រែន៕

ដោយ៖លី ភីលីព