យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា កាសស្តាប់ត្រចៀក Dyson’s Zone មានបច្ចេកវិទ្យាបំបាត់សំឡេងរំខាន ត្រៀមខ្លួននឹងប្រកួតប្រជែង លើទីផ្សារក្នុងពេលឆាប់ៗនេះពីក្រុមហ៊ុន Sony, Apple និង Bose ប៉ុន្តែលក្ខណៈពិសេសដែលទាក់ទាញបំផុត គឺម៉ាស៊ីនបន្សុទ្ធខ្យល់ អាចភ្ជាប់បាន។
កាសស្តាប់ត្រចៀកលំដាប់ខ្ពស់ មួយគូដែលបំពាក់ដោយម៉ាស៊ីនបន្សុតខ្យល់ ផ្ទាល់ខ្លួនអាចឲ្យអ្នកមើល ទៅដូចមនុស្សអាក្រក់ Batman ត្រូវបានគេដាក់លក់ក្នុងតម្លៃដ៏ថ្លៃបំផុត ៧៤៩ផោន ។ ការប្តេជ្ញាលើកដំបូងរបស់ Dyson លើឧបករណ៍អូឌីយ៉ូត្រូវបាន ប្រកាសកាលពីដើមឆ្នាំនេះ ដោយមានអំនួតតាមរយៈបច្ចេកវិទ្យា កាត់បន្ថយសំឡេងរំខាន។
លក្ខណៈពិសេសដែលទាក់ទាញ ភ្នែកបំផុតគឺមាត់អាចភ្ជាប់ បានដោយគូរការប្រៀបធៀប ជាមួយនឹងរបាំងពាក់ដោយ អ្នកប្រយុទ្ធដ៏មានឥទ្ធិពល Bane ក្នុងស៊េរី DC Comics ។ វាគឺជាលទ្ធផលនៃការអភិវឌ្ឍន៍រយៈពេល ៦ ឆ្នាំ ដោយសារក្រុមហ៊ុនបានស្វែងរក ការអភិវឌ្ឍន៍នូវបច្ចេកវិទ្យាបន្សុទ្ធខ្យល់ មានស្រាប់របស់ខ្លួន។
ប្រឡោះដូចកញ្ចក់ដែលជាប់ នឹងពែងកាសអង្គុយពីលើច្រមុះ និងមាត់របស់អ្នកប្រើ ហើយបូមយកខ្យល់ដែលចម្រោះចេញ ដើម្បីប្រយុទ្ធប្រឆាំងនឹង ការបំពុលបរិយាកាស។ ប្រធានវិស្វករ Jake Dyson បាននិយាយថា Dyson Zone បន្សុទ្ធខ្យល់ដែលអ្នកដកដង្ហើម នៅពេលផ្លាស់ទី។ ហើយមិនដូចរបាំងមុខទេ វាផ្តល់ខ្យល់អាកាសបរិសុទ្ធ ដោយមិនប៉ះមុខរបស់អ្នក ដោយប្រើតម្រងដែល មានប្រសិទ្ធភាពខ្ពស់ និងម៉ាស៊ីនបូមខ្យល់ខ្នាតតូចចំនួន២ ៕
ដោយ៖ លី ភីលីព
