គូឡាឡាំពួរ ៖ ជនរងគ្រោះពីការគំរាមកំហែង តាមអ៊ីនធើណេត២នាក់ កំពុងអំពាវនាវឲ្យមានការយល់ដឹង និងការអប់រំកាន់តែច្រើនឡើង ពីវ័យក្មេងអំពីផលវិបាក នៃអាកប្បកិរិយាបែបនេះ ហើយ ដើម្បីឲ្យជនរងគ្រោះ មានភាពក្លាហាន ក្នុងការនិយាយប្រសិនបើពួកគេត្រូវ បានយាយី តាមអ៊ីនធើណេត យោងតាមការចេញ ផ្សាយពីគេហទំព័រឌឺវីប៊ីស ។
ការចែករម្លែកបទពិសោធន៍ របស់នាង តារាម៉ូដែល Joanna Joseph អាយុ ២៥ ឆ្នាំបានប្រាប់ The Vibes ថា នាងបានក្លាយជាគោលដៅ នៃការគំរាមកំហែងតាមអ៊ីនធើណេត ចាប់តាំងពីនាងបានចូលរួមវេទិកា ប្រព័ន្ធផ្សព្វផ្សាយសង្គមនៅអាយុ ១២ ឆ្នាំ ។
នាង Joanna បាននិយាយថា នាងមានសុវតិ្ថភាព ចំពោះរូបភាព Profile របស់នាង ដោយសារតែមានការអត្ថាធិប្បាយ ស្អប់ខ្ពើមអំពីទម្ងន់របស់នាង។ យូរៗទៅ ខ្ញុំទទួលបានទំនុកចិត្ត ក្នុងការបង្ហោះរូបថតខ្លួនឯង ហើយអ្វីៗក៏ល្អដែរ រហូតដល់ការសម្លុតតាមអ៊ីនធឺណិត បានចាប់ផ្តើម ដោយសារខ្ញុំជាអ្នកគាំទ្រ Justin Bieber ដ៏ច្រើន ហើយក៏ដោយសារតែទម្ងន់ របស់ខ្ញុំផងដែរ ។
នាងបានបន្តថា វាបានឈឺចាប់បន្តិច ប៉ុន្តែខ្ញុំបានរៀនមើលវា ។ ទោះជាយ៉ាងណា ទុក្ខលំបាកដ៏អាក្រក់មួយបានកើតឡើងនៅខាងមុខ។ បុរសម្នាក់ដែលនាង បានជួបនៅលើប្រព័ន្ធផ្សព្វផ្សាយសង្គម ដែលនាងចាប់ផ្ដើមមាន ទំនាក់ទំនងស្នេហា នោះបានបង្ខូចអារម្មណ៍នាងឲ្យផ្ញើរូបថតខ្លួនទៅលោក។ នាងបានចុះចាញ់ដោយសារនាង មានអារម្មណ៍ភ័យខ្លាច ។
នាងបានបន្ថែមថា ក៏គ្មានអ្នកណាណែនាំខ្ញុំដែរ ប៉ុន្តែបន្ទាប់ពីយើងបែកគ្នា រូបថតរបស់ខ្ញុំត្រូវបានបង្ហោះលើអ៊ីនធើណេតថា ជាការបៀតបៀនផ្លូវភេទ (ប្រឆាំងខ្ញុំ)។ នេះរាប់បញ្ចូលទាំង Profile ក្លែងក្លាយ បង្កើតនៅលើ Facebook និង Twitter ដោយប្រើរូបថតរបស់នាង ។ នាងក៏បានផងដែរថា អ្នកដែលបង្កើតគណនីក្លែងក្លាយ បានចាប់ផ្តើមបន្ថែម និងតាមដានមិត្តរបស់នាងទាំងអស់ ៕
