អាមេរិក៖របាយការណ៍ និងពាក្យចចាមអារ៉ាម ជាច្រើនបានលើកឡើងថា ក្រុមហ៊ុនបច្ចេកវិទ្យាយក្សអាមេរិក Apple កំពុងលុបចោលរន្ធ Lightning សម្រាប់ USB-C នៅលើ iPhone 15 ថ្មី ហើយនេះអាចជាសញ្ញាមួយទៀត ដែលថាវាពិតជាកំពុងកើតឡើង។
យោងតាមការលេចធ្លាយ ShrimpApplePro នៅលើ Twitter (តាមរយៈ MacRumors) ថា ខ្សែ USB-C MFi និង Earpods របស់ Apple កំពុងស្ថិតក្នុងការផលិតទ្រង់ទ្រាយធំ។ MFi តំណាងឲ្យ Made for iPhone ហើយយើងបានឃើញ របាយការណ៍ជាច្រើនពីមុនមកថា Apple នឹងប្រើប្រាស់កម្មវិធី MFi របស់ខ្លួនដើម្បីបញ្ជាក់ខ្សែ USB-C និងគ្រឿងបន្លាស់ត្រូវគ្នាសម្រាប់ iPhone 15 និង iPhone 15 Pro ស៊េរីថ្មី។
ក្រុមហ៊ុន Apple ត្រូវបានគេរាយការណ៍ថា គ្រោងនឹងទទួលយក USB-C សម្រាប់ iPhone 15 នៅមុនកាលបរិច្ឆេទ កំណត់របស់សហភាពអឺរ៉ុប មុនដំណាច់ឆ្នាំ ២០២៤ សម្រាប់ក្រុមហ៊ុនផលិត ស្មាតហ្វូនទាំងអស់ដើម្បីទទួលយកស្តង់ដារ នៅលើឧបករណ៍របស់ពួកគេ។ Apple បានបញ្ជាក់រួចហើយថា ខ្លួននឹងផ្តល់ជូន USB-C លើ iPhone ប៉ុន្តែមិនបានបញ្ជាក់ថាម៉ូដែលណានោះទេ។
ក្រុមហ៊ុន Apple ត្រូវបានគេចោទប្រកាន់ថា បានបង្កើនការផលិតខ្សែ USB-C និងគ្រឿងបន្លាស់ដែលត្រូវគ្នាសម្រាប់ iPhone 15 គឺជាសញ្ញាដ៏ប្រាកដថា យើងនឹងមិនចាំបាច់រង់ចាំមួយឆ្នាំទៀត សម្រាប់ការចាកចេញពី Lightning ៕ ដោយ៖លី ភីលីព
