អាមេរិក ៖ យោងតាមការចេញ ផ្សាយពីគេហទំព័រ UPI បានប្រាប់ឲ្យដឹងថា អង្គការអវកាសអាមេរិក ណាសា “NASA” គ្រោងនឹងបញ្ជូនយានអវកាស ខ្នាតតូចចំនួន ៣ គ្រឿង ទៅកាន់ភពព្រះច័ន្ទនៅឆ្នាំក្រោយ ដើម្បីសាកល្បងសមត្ថភាព របស់ពួកគេ ក្នុងការអនុវត្តកិច្ចការស្វយ័ត ។
បេសកកម្មនេះត្រូវបានគេគ្រោង នឹងចាប់ផ្តើមជាផ្នែកមួយ នៃគំនិតផ្តួចផ្តើមសេវាកម្ម ដឹកជញ្ជូនភពព្រះច័ន្ទពាណិជ្ជកម្ម របស់ណាសានាឆ្នាំ ២០២៤ ក្នុងគោលបំណងបង្ហាញ ពីគម្រោង Cooperative Autonomous Distributed Robotic Exploration របស់ណាសាអាចបង្កើន ប្រសិទ្ធភាព នៃបេសកកម្មដោយប្រើមនុស្សយន្ត ដែលដំណើរការដោយ គ្មានការគ្រប់គ្រងផ្ទាល់ពីមនុស្ស ។
អ្នកគ្រប់គ្រងគម្រោង Jet Propulsion Laboratory CADRE លោក Subha Comandur បាននិយាយថា បេសកកម្មរបស់យើង ដើម្បីបង្ហាញឃើញ ពីបណ្តាញនៃមនុស្សយន្តចល័ត អាចសហការគ្នា ដើម្បីសម្រេចកិច្ចការមួយដោយ គ្មានការអន្តរាគមន៍ពីមនុស្ស ដោយស្វ័យភាព ។
ឧបករណ៍បញ្ជាបេសកកម្ម នឹងផ្តល់ការបញ្ជាទូទៅដល់មូលដ្ឋាន បញ្ជាកម្ពស់ ១៣ ហ្វីតនៅលើការចុះចតសំខាន់ ដែលនឹងផ្តល់ការបញ្ជាទៅយាន Rovers ទាំង២ ដែល ណាសា បាននិយាយថា វាមានទំហំប៉ុនកាបូបស្ពាយ ។
អ្នកស៊ើបអង្កេតចម្បង របស់ CADRE លោក Jean-Pierre de la Croix បាននិយាយថា មេបញ្ជាការនឹងផ្តល់ឲ្យតែយាន Rovers នូវគោលដៅកម្រិតខ្ពស់ ហើយបន្ទាប់មកពួកគេ នឹងកំណត់ដោយខ្លួនឯង ៕
ដោយ៖លី ភីលីព
