វ៉ាស៊ីនតោន ៖ យោងតាមការចេញផ្សាយ ពីគេហទំព័រ Sputnik បានប្រាប់ឲ្យដឹងថា តេឡេស្កុបអវកាស James Webb (JWST) បានរកឃើញម៉ូលេគុល ឧស្ម័នមេតាន និងកាបូនឌីអុកស៊ីតនៅលើភពផែនដីមួយ ដែលមានទម្ងន់ធ្ងន់ជាងផែនដី ៨ដង ហើយធ្វើដំណើរជុំវិញ ផ្កាយមួយមានចម្ងាយ ១២០ឆ្នាំពន្លឺ ឯណោះ ។
នេះបើតាមការចេញ ផ្សាយកាលពីថ្ងៃចន្ទថា ការស៊ើបអង្កេតថ្មីជាមួយតេឡេស្កុបអវកាស James Webb របស់អង្គការអវកាសណាសារបស់អាមេរិក “NASA” ចូលទៅក្នុង K2-18 b ដែលជាភព Exo-Planet 8.6 ដងធំជាងផែនដីបានបង្ហាញវត្តមានរបស់ម៉ូលេគុលកាបូន រួមទាំងមេតាន និងកាបូនឌីអុកស៊ីត ។
ការចេញផ្សាយបាននិយាយថា ការរកឃើញរបស់លោក Webb បន្ថែមទៅលើការសិក្សាថ្មីៗ បង្ហាញថា K2-18 b អាចជាភព Hycean Exoplanet ដែលមានសក្តានុពល ក្នុងការមានបរិយាកាសសំបូរ ទៅដោយអ៊ីដ្រូសែន និងផ្ទៃទឹកគ្របដណ្តប់ ដោយមហាសមុទ្រ ។
ការចេញផ្សាយបានបន្តថា K2-18 b ធ្វើដំណើរជុំវិញតារាតឿដ៏ត្រជាក់ K2-18 នៅក្នុងតំបន់ដែលអាចរស់នៅបាន និងស្ថិតនៅចម្ងាយ ១២០ ឆ្នាំពន្លឺពីផែនដីនៅក្នុងក្រុមតារានិករ Leo ។ ការចេញផ្សាយ បានបន្ថែមថា Exoplanet ដូចជា K2-18 b ត្រូវបានគេយល់តិចតួច ហើយធម្មជាតិនៃបរិយាកាស របស់ពួកគេគឺជាបញ្ហា នៃការជជែក ពិភាក្សាយ៉ាងសកម្មក្នុងចំណោមតារាវិទូ ។
យោងតាមការចេញផ្សាយ បានឲ្យដឹងថា ការផ្ដល់យោបល់ថា sub-Neptune K2-18 b អាចជាភព Hycean exoplanet គឺគួរឲ្យចាប់អារម្មណ៍ ដោយសារតែតារាវិទូមួយចំនួនជឿថា ពិភពលោកទាំងនេះកំពុងសន្យាថា នឹងផ្តល់បរិយាកាសក្នុងការស្វែងរកភស្តុតាង សម្រាប់ជីវិតនៅលើភពក្រៅ ៕
ដោយ៖លី ភីលីព
