វ៉ាស៊ីនតោន ៖ ប្រធានក្រុមសិក្សាឯករាជ្យ លោក David Spergel បាននិយាយ កាលពីថ្ងៃព្រហស្បតិ៍ពី បាតុភូតមិនធម្មតា (UAP) មិនស្គាល់អត្តសញ្ញាណ របស់អង្គការណាសា (UAP ឬហៅថា UFO) ថា រដ្ឋាភិបាលម៉ិកស៊ិក គួរតែចែករម្លែកគំរូ នៃសាកសពមនុស្សភពក្រៅ ជាមួយសហគមន៍វិទ្យាសាស្ត្រពិភពលោក សម្រាប់ការផ្ទៀង ផ្ទាត់បន្ថែមទៀត យោងតាមការចេញ ផ្សាយពីគេហទំព័រ Sputnik ។
លោក Spergel បាននិយាយក្នុងសន្និសីទ សារព័ត៌មានថា នៅពេលអ្នកមានអ្វីមិនធម្មតា អ្នកចង់ធ្វើឲ្យទិន្នន័យ ជាសាធារណៈ ។ ប្រធានក្រុមបានបន្ថែមថា យើងមិនដឹងពីធម្មជាតិ នៃគំរូទាំងនោះដែលត្រូវ បានបង្ហាញនៅពីមុខពួកគេទេ ប្រសិនបើអ្នកមានអ្វីប្លែក សូមបង្កើតគំរូសម្រាប់សហគមន៍ វិទ្យាសាស្ត្រពិភពលោក ។
កាលពីថ្ងៃអង្គារ អ្នកស្រាវជ្រាវ ម៉ិកស៊ិក Jaime Maussan បានបង្ហាញសាកសពមនុស្សភពក្រៅ ២ នាក់ទៅសភាម៉ិកស៊ិក។ សាកសពត្រូវបានគេរកឃើញក្នុងអណ្តូងរ៉ែ នៅប្រទេសប៉េរូ ត្រូវបានគេសន្មត់ថា មានអាយុ ១,០០០ឆ្នាំ ។
លោក Maussan បានអះអាងថា អ្នកវិទ្យាសាស្ត្របានបង្កើតឡើងថាច្រើនជាង ៣០ភាគរយនៃ DNA របស់សាកសព មិនត្រូវបានស្គាល់ ។ ទោះបីជាយ៉ាង ណាក៏ដោយ លោក Maussan ធ្លាប់បានធ្វើការអះអាងមានជម្លោះ អំពីការរកឃើញ សាកសពមនុស្សភពក្រៅ ត្រូវបានចោទប្រកាន់ ។ សមាជិកសភាម៉ិកស៊ិក ក៏បានទាក់ទងអតីត អ្នកបើកយន្តហោះយោធាអាមេរិកលោក Ryan Graves បានផ្តល់សក្ខីកម្មស្រដៀង នឹងសមាជិកសភាអាមេរិកអំពី UAP កាលពីខែកក្កដា ។
សេចក្តីថ្លែងការណ៍របស់ Spergel បានកើតឡើងស្របគ្នា នឹងការចេញផ្សាយរបាយការណ៍ មួយដោយក្រុមសិក្សាឯករាជ្យ UAP របស់អង្គការណាសា មិន បានរកឃើញទំនាក់ទំនងរវាង UAP និងជីវិតក្រៅភព ។
ទោះបីជាមិនមានភ័ស្តុតាង បច្ចុប្បន្នក៏ដោយ អ្នកគ្រប់គ្រង របស់ណាសា លោក Bill Nelson បាននិយាយក្នុងអំឡុង សន្និសីទសារព័ត៌មានថា លោកជឿថា ភពដែលស្រដៀង នឹងផែនដី និងជីវិតក្រៅភពទំនង ជាមានដោយសារភាពធំធេង នៃសាកលលោក ៕
ដោយ៖លី ភីលីព
