ស៊ុយអែត ៖ យោង តាមការចេញ ផ្សាយពីគេហទំព័រ RTបានប្រាប់ឲ្យដឹងថា ក្រុមហ៊ុនសម្លៀកបំពាក់ដ៏ធំ របស់ប្រទេសស៊ុយអែត H&M បានទាញការផ្សាយ ពាណិជ្ជកម្ម តាមអ៊ីនធើណេត តាមរដូវកាលរបស់ខ្លួន បន្ទាប់ពីត្រូវបានចោទប្រកាន់ ពីបទកេងប្រវ័ញ្ចផ្លូវភេទ លើកុមារ ។
ការផ្សាយពាណិជ្ជកម្ម បង្ហាញនៅលើប្រព័ន្ធផ្សព្វផ្សាយសង្គម ក្នុងប្រទេស អូស្ត្រាលីបានបង្ហាញ ពីក្មេងស្រីវ័យក្មេង ២ នាក់ ក្នុងឯកសណ្ឋានសិស្សស-ខ្មៅ កាន់កាបូបស្ពាយពណ៌ផ្កាឈូក ។ ចំណងជើងបាននិយាយថា ធ្វើឲ្យក្បាលទាំងនោះប្រែទៅជាម៉ូដ Back to School របស់ H&M ។
អ្នកប្រើមួយចំនួនបានរិះគន់ក្រុមហ៊ុន ដោយលើកហេតុផលថា ការរួមបញ្ចូលគ្នានៃរូបភាព និងស្លាកសញ្ញា គឺមិនសមរម្យខ្លាំងណាស់ និងមានន័យថា ជាការកេងប្រវ័ញ្ច គួរឲ្យអាម៉ាស់លើកុមារ ។ សកម្មជនសិទ្ធិស្ត្រីអូស្ត្រាលី Melinda Tankard Reist បានសរសេរនៅលើ X (អតីត Twitter) ថា ជាទូទៅឪពុកម្តាយ ចូលចិត្តក្បាលមិនងាក នៅពេលអ្នកដទៃឃើញកូនស្រីរបស់ពួកគេដើរ ទៅសាលារៀននៅលើឡានក្រុង ឬនៅក្នុងថ្នាក់ ។ ហេតុអ្វីបានជាអ្នកចង់ជំរុញ គំនិតដែលក្មេងស្រីតូចៗ គួរទាក់ទាញការយកចិត្តទុកដាក់លើរូបរាង រាងកាយ និង “រចនាប័ទ្ម” របស់ពួកគេ?
ក្រុមហ៊ុនបាននិយាយ ក្នុងសេចក្តីថ្លែងការណ៍មួយទៅកាន់ប្រព័ន្ធផ្សព្វផ្សាយថា ក្រុមហ៊ុន H&M បានលុបចោលការផ្សាយពាណិជ្ជកម្ម បន្ទាប់ពីមានការរិះគន់។ ឥឡូវនេះការផ្សាយពាណិជ្ជកម្មនេះត្រូវបានលុបចេញ យើងមានការសោកស្ដាយជាខ្លាំងចំពោះបទល្មើសដែលបានកើតឡើង ហើយនឹងពិនិត្យមើលពីរបៀបយើងបង្ហាញយុទ្ធនាការឆ្ពោះទៅមុខ។
ស្ថាបនិក Mumsnet និងក្រុមប្រឹក្សាសារដ៏ពេញនិយម របស់ចក្រភពអង់គ្លេស សម្រាប់ឪពុកម្តាយ លោកស្រី Justine Roberts បាននិយាយថា វាគឺជាការសម្រេចចិត្តត្រឹមត្រូវ ក្នុងការលុបចោលការផ្សាយពាណិជ្ជកម្ម ។ លោកស្រីបានប្រាប់ BBC ថា យើងរីករាយដែល H&M បានទទួលយកកំហុស របស់ពួកគេ ហើយបានលុបចោលការផ្សាយពាណិជ្ជកម្មនោះ វាមិនគួរត្រូវបានបង្កើតឡើង តាំងពីដំបូងឡើយ ៕
ដោយ៖លី ភីលីព
