យោងតាមការចេញផ្សាយរបស់ The Goal បានឲ្យដឹងថាក្លឹប Al Nassr ក្នុងសប្តាហ៍នេះបានធ្វើការទាក់ទងជាមួយនឹងក្លឹប Bayer Leverkusen ហើយដើម្បីអាចផ្ទេរកីឡាករឆ្នើម Victor Boniface មកចូលរួមក្លឹប។
ក្លឹបនៅអារ៉ាប់ដែលកំពុងមានវត្តមានរបស់កីឡាករ CR7មួយនេះបានប្រកាសអំពីកញ្ចប់ថវិកាដែលខ្លួននឹងហ៊ានចំណាយសម្រាប់ Boniface ប្រហែលជា៦០លានអឺរ៉ូហើយក៏នឹងផ្តល់កុងត្រាឲ្យកីឡាករវ័យ២៤ឆ្នាំរូបនេះនូវប្រាក់កម្រៃដល់ទៅ១៥លានអឺរ៉ូក្នុងមួយរដូវកាលទៀតផង។
គួរឲ្យដឹងដែរថាខ្សែប្រយុទ្ធ Boniface បានមកចូលរួមក្លឹបក្នុងរយៈពេលខ្លីប៉ុណ្ណោះប៉ុន្តែអាចធ្វើឲ្យមានការផ្លាស់ប្តូរក្នុងតំបន់ប្រយុទ្ធយ់ាងខ្លាំងដោយការបង្ហាញខ្លួន៣៤លើកប៉ុណ្ណោះគាត់រកបាន២១គ្រាប់និងជួយមិត្តរួមក្លឹបរកបានដល់ទៅ១០ដងផងដែរ៕
ប្រែសម្រួល៖ស៊ុនលី
