តូក្យូ៖ ក្រុមអ្នកស្រាវជ្រាវជប៉ុន បានបង្កើតក្លូនដ៏អស្ចារ្យនៃផ្ទាំងគំនូរអាហ្វហ្គានីស្ថាន ដែលត្រូវបានបំផ្លាញដោយពួកតាលីបង់ ដោយប្រើការលាយបញ្ចូលគ្នានៃបច្ចេកទេសបុរាណ និងឌីជីថល ពួកគេសង្ឃឹមថានឹងជួយសង្គ្រោះ វិញ្ញាណនៃស្នាដៃនេះ សម្រាប់មនុស្សជំនាន់ក្រោយយោងតាមការចេញផ្សាយពីគេហទំព័រជប៉ុនធូដេ។
ដោយគ្មានបំណែកតែមួយនៃផ្ទាំងគំនូររូងភ្នំ សតវត្សទី៧ត្រូវបានកម្ទេចកាលឆ្នាំ២០០១ រួមជាមួយនឹងរូបសំណាកព្រះពុទ្ធដ៏ធំចំនួន២ និងវត្ថុបុរាណផ្សេងទៀតនៅក្នុងជ្រលងភ្នំ Bamiyan ប្រទេសអាហ្វហ្គានីស្ថាន ដែលបង្កឲ្យមានការថ្កោលទោសជាសកល។ ប៉ុន្តែការចម្លងដ៏ជាក់លាក់មួយ ជាលទ្ធផលនៃកិច្ចខិតខំប្រឹងប្រែងស្តារឡើងវិញ ដ៏ទំនើបរយៈពេល ៣ ឆ្នាំ ត្រូវបានដាក់តាំងបង្ហាញនៅសារមន្ទីរ ក្នុងទីក្រុងតូក្យូកាលខែកញ្ញា និងខែតុលា ត្រឹមតែប៉ុន្មានសប្តាហ៍បន្ទាប់ពីពួកតាលីបង់ បានត្រលប់មកវិញនូវអំណាចនៅទីក្រុងកាប៊ុល។
ផ្ទាំងគំនូរនៅលើពិដាន នៃរូងភ្នំក្បែររូបសំណាកល្បី ៗ បង្ហាញពីព្រះពោធិសត្វពណ៌ខៀវ ឬនរណាម្នាក់នៅលើផ្លូវឆ្ពោះទៅកាន់ព្រះពុទ្ធ។ ដោយមានប្រវែង៦ ម៉ែត្រ និងកម្ពស់៣ ម៉ែត្រ ច្បាប់ចម្លងទំហំពេញលេញដ៏ស្មុគស្មាញនេះ ត្រូវបានគេដាក់ឈ្មោះថា “ក្លូនដ៏អស្ចារ្យ” ដោយក្រុមផលិតឡើងវិញនៅសាកលវិទ្យាល័យសិល្បៈតូក្យូ។
លោក Takashi Inoue សហប្រធានក្រុមបាននិយាយថា យើងបានទទួលជោគជ័យក្នុងការបង្កើតឡើងវិញ នូវតំណាងដ៏ជាក់លាក់មួយនៅក្នុង៣វិមាត្រពីវាយនភាព របស់វារហូតដល់ប្រភេទថ្នាំលាប។ ប្រទេសជប៉ុនគឺជាអ្នកផ្តល់ជំនួយដ៏សំខាន់ ដល់ប្រទេសអាហ្វហ្គានីស្ថាន ហើយបានចូលរួមក្នុងកិច្ចខិតខំប្រឹងប្រែងការពារបេតិកភណ្ឌ ជាយូរមកហើយនៅ Bamiyan ជាផ្លូវបំបែកនៃអរិយធម៌បុរាណ ត្រូវបានចាត់ទុកថា ជាកន្លែងកំណើតមួយនៃព្រះពុទ្ធសាសនាជប៉ុន។
ក្រុមការងារបានកែច្នៃរូបថតជាង ១០០ សន្លឹកដែលថតដោយអ្នកបុរាណវិទូជនជាតិជប៉ុន នៃផ្ទាំងគំនូរនេះ មុនពេលវាត្រូវបានបន្ទាបបន្ថោក ដើម្បីបង្កើតគំរូកុំព្យូទ័រលើផ្ទៃរបស់វា៕ ដោយ៖លី ភីលីព
